ថ្វីដ្បិតមានកំហុសឆ្គង តែបវរកញ្ញាកម្ពុជា ចំណេញបាន ៥ ចំណុចពី វគ្គបង្ហាញឈុតតំណាងជាតិ

ភ្នំពេញ៖ បវរកម្ពុជាកញ្ញា ងិន ម៉ារីឌី នារាត្រីដ៏អស្ចារ្យដែលគ្រងឈុតតំណាងជាតិឈ្មោះ “វប្បការិកា ចត្វានិមិត្ត” បង្ហាញនៅ លើឆាកអន្តរជាតិ ថ្វីដ្បិតតែជួបបញ្ហាកំហុសឆ្គងលើឆាកក៏ពិតមែន ប៉ុន្តែអ្នកគាំទ្រយ៉ាងច្រើនបានសរសើរ និងកោតស្ញប់ស្ញែងខ្លាំងចំពោះឆន្ទៈរបស់នាងដើម្បីតំណាងកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះក៏មានការលើកជាទស្សនៈរបស់អ្នកគាំទ្រថា ថ្វីដ្បិតមានកំហុសឆ្គង តែបវរកញ្ញាកម្ពុជាចំណេញបានច្រើនពីវគ្គបង្ហាញឈុតតំណាងជាតិ។ ជាក់ស្តែងមានការលើកឡើងថា ជឿថាអាចនឹងមានជាតិសាសន៍មួយចំនួនចំអកឱ្យយើងលើកំហុសបន្តិចបន្តូចនេះ តែឱ្យគេសើចចុះ តាមពិតកម្ពុជាយើងចំណេញបានច្រើនពីកំហុសនេះ៖

១. មានពេលយូរជាងគេក្នុងការបង្ហាញឈុតតំណាងជាតិ។

២. ទាក់ទាញការគាំទ្រ និងទទួលបានកម្លាំងចិត្តពីអ្នកទស្សនាតាមរយៈការហ៊ោ និងស្នូរទះដៃ។

៣. បង្កើតចំណុចទាក់ទាញដែលធ្វើឱ្យគេចងចាំថា វគ្គកម្ពុជាមានអ្វីកើតឡើងក្នុងឆ្នាំនេះ។

៤. បង្ហាញឱ្យឃើញពីភាពវ័យឆ្លាត ក្លាហាន រឹងមាំ ចេះបត់បែន និងកែខៃបញ្ហាដោយមិនភិតភ័យ។

៥. បង្កើតបានជាប្រធានបទក្នុងការជជែកក្នុងស្រទាប់អ្នកគាំទ្រជាតិ-អន្តរជាតិ។

មានការលើកឡើងបន្ថែមទៀតថា ​សម្រាប់​ខ្ញុំ មេីល​ប៉ុន្មានដងក៏នៅ តែហូរទឹកភ្នែក វា​មិនមែនយំព្រោះតែ​ការធ្លាក់គ្រឿងនោះទេ​ តែខ្ញុំយំរំភេីបចំពោះ​ការតស៊ូ​របស់នាង។ នាងមិនបញ្ចប់វា​ទេ ​នាងសុំឱកាសជាលេីកទី២ដេីម្បីរកភាពអស្ចារ្យបង្ហាញពីឈុតតំណាងជាតិ​របស់នាម្តងទៀត​៕

អត្ថបទ៖ ចាន់រ៉ា