ជីវិតកម្សាន្ដ

អ្នកគាំទ្រ ៖ បវរកញ្ញាកម្ពុជា ចំណេញបាន៥ចំណុចនេះពីវគ្គប្រកួតឈុតតំណាងជាតិ

បានផុស

៣ years មុន

នៅ

ថ្ងៃសៅរ៍ ១១ ធ្នូ ២០២១

ដោយ

ភ្នំពេញ ៖ បវរកម្ពុជាកញ្ញា ងិន ម៉ារីឌី នារាត្រីដ៏អស្ចារ្យដែលគ្រងឈុតតំណាងជាតិសម្រិតសម្រាំងយ៉ាងល្អប្រណីតឈ្មោះថា« វប្បការិកា ចត្វានិមិត្ត»បង្ហា ញនៅលើឆាកអន្តរជាតិថ្វីត្បិតជួបបញ្ហាកំហុសឆ្គងបន្តិចបន្តូចក៏ពិតមែនតែអ្នកគាំទ្រយ៉ាងច្រើនបានសរសើរនិងកោតស្ញប់ស្ញែងខ្លាំងចំពោះឆន្ទៈរបស់នាងដើម្បីតំណាងកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមជាមួយគ្នានេះដែរក៏មានការលើកជាទស្សនៈ របស់អ្នកគាំទ្រថាថ្វីត្បិតមានកំហុសឆ្គងបន្តិចតែប វរកញ្ញាកម្ពុជាចំណេញបានច្រើនពីវគ្គប្រកួតឈុតតំណាងជាតិ។ជាក់ស្តែងគឺមានការលើកឡើងដូ ច្នេះថាជឿថា អាចនឹងមានជាតិសាសន៍មួយចំនួនចំអកឱ្យយើងលើកំហុសបន្តិចបន្តូចនេះតែឱ្យគេសើចចុះ តាមពិតកម្ពុជាយើងចំណេញបានច្រើនពីកំហុសនេះ៖

– មានពេលយូរជាងគេក្នុងការបង្ហាញឈុតតំណាងជាតិ ។

– ទាក់ទាញការគាំទ្រ និងទទួលបានកម្លាំងចិត្តពីអ្នកទស្សនាតាមរយៈការហ៊ោនិងស្នូរទះដៃ។

– បង្កើតចំណុចទាក់ទាញដែលធ្វើឱ្យគេចងចាំថា វគ្គកម្ពុជាមានអ្វីកើតឡើងក្នុងឆ្នាំនេះ។

– បង្ហាញឱ្យឃើញពីភាពវ័យឆ្លាត ក្លាហាន រឹងមាំ ចេះបត់បែននិងកែខៃបញ្ហាដោយមិនភិតភ័យ។

– បង្កើតបានជាប្រធានបទក្នុងការជជែកក្នុងស្រទាប់អ្នកគាំទ្រជាតិ-អន្តរជាតិ។

មានការលើកឡើងបន្ថែមទៀតថា សម្រាប់ខ្ញុំមើលប៉ុន្មានដងក៏នៅតែហូរទឹកភ្នែក វាមិនមែនយំព្រោះតែការធ្លាក់គ្រឿងនោះទេ តែខ្ញុំយំរំភើបចំពោះការតស៊ូរបស់នាងនាងមិនបញ្ចប់វាទេនាងសុំឱកាសជាលើកទី២ ដើម្បីរកភាពអស្ចារ្យបង្ហាញពីឈុតតំណាងជាតិរបស់នាងម្តងទៀត៕

ដោយ ៖ ចាន់រ៉ា