ជីវិតកម្សាន្ដ

អ៉ីណូ ចំណាយលុយថត MV «ការពារ» ខ្លួនឯង កំពុងទទួលបានការគាំទ្រពីមហាជន

បានផុស

៥ years មុន

នៅ

ថ្ងៃពុធ ២២ ធ្នូ ២០២១

ដោយ

MVបទ ការពារ ដែលមានទម្រង់បែបវប្បធម៌ជាតិរបស់តារាចម្រៀងលោក អ៊ីណូ ត្រូវបានpage និងYouTubeផលិតកម្មសាន់ដេបានបង្ហោះជាផ្លូវការហើយ កាលពីថ្មីៗនេះ ខណៈសន្ទុះនៃការគាំទ្រកំពុងហក់ឡើងខ្លាំង។

មានរឿងអ្វី? អ៊ីណូ ប្រកាសប្តឹងបុរសម្នាក់នេះ ក្រោយបានពោលពាក្យថា... - TrueID

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បទចម្រៀងដែលមានចំណងជើងថា«ការពារ»របស់លោកនេះ ទទួលបានការគាំទ្រច្រើនទាំងក្នុងចង្កោមយុវវ័យ និងចង្កោមអ្នកលេងបណ្ដាញសង្គម។ តួយ៉ាងទើបចេញមិនបានប៉ុន្មានថ្ងៃផងសន្ទុះនៃការចែកចាយ គឺមានកម្រិតគួរឱ្យចាប់អារម្មណ៍ ខណៈដែលនៅលើបណ្ដាញTikTokក៏មានការដាក់បង្ហោះនូវឈុតឆាកខ្លះៗផងដែរ អមដោយការកោតសរសើរមិនដាច់ពីមាត់។

នេះក៏ជាស្នាដៃ ដែលបានលាយចម្រុះនូវទម្រង់វប្បធម៌លើកដំបូង ដែលតារាចម្រៀងលោក អ៊ីណូ បានចំណាយទុនផលិតផ្ទាល់ខ្លួនរហូតដល់ជិត២ម៉ឺនដុល្លារ ដោយសារតែលោកចង់បន្សល់នូវស្នាដៃមួយទុកដល់កូនខ្មែរ និងទុកជាគំរូក្នុងវិស័យចម្រៀង ដែលលោក អ៊ីណូ អះអាងថា ចំណាយធនធានផ្ទាល់ខ្លួនធ្វើទាន់ឱកាសដែលលោកមានលទ្ធភាពចំណាយគ្រប់គ្រាន់។

ស្នាដៃមួយនេះបានរុញឱ្យតារាចម្រៀងប្រុសរូបនេះ ទទួលបានការសរសើរតាំងពីដំណាក់កាលដែលលោកទើបតែចេញផលិតមិនទាន់ចេញជាMVមកម្ល៉េះ។ នេះក៏ជាស្នាដៃមួយ ដែលកំពុងតែត្រូវបានមហាជនឱ្យតម្លៃ ព្រោះបានបង្កប់នូវទម្រង់វប្បធម៌ដ៏សម្បូរបែបគួរឱ្យសរសើរនោះផងដែរ៕