ជីវិតកម្សាន្ដ

រៀនផងធ្វើការផង ទីបំផុត រ៉េត ស៊ូហ្សាណា សម្រេចក្តីស្រមៃទាំងព្រម

បានផុស

៤ ខែ មុន

នៅ

ថ្ងៃចន្ទ ២៤ មករា ២០២២

ដោយ

តារាចម្រៀងវ័យក្មេងនិងជាអតីតបេក្ខភាពកម្មវិធីប្រឡងចម្រៀងលំដាប់ពិភពលោក The Voi ce Cambodia រដូវកាលទី ២ កញ្ញា រ៉េត ស៊ូហ្សាណា ទីបំផុតបានសម្រេចក្តីស្រមៃរបស់ខ្លួនបន្ទាប់ពីចំណាយពេលច្រើនឆ្នាំលើការសិក្សានៅមហាវិទ្យា ល័យល្បីឈ្មោះមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះក៏អាចបញ្ជាក់ឲ្យឃើញថា តារាចម្រៀង រ៉េត ស៊ូហ្សាណា មិនត្រឹមតែជោគជ័យលើវិថីសិល្បៈចម្រៀងប៉ុណ្ណោះទេ គឺនាងក៏ជាបុគ្គលក្មេងខ្ចី ដែលសម្រេចបានក្តីស្រមៃទាំងព្រម មិនថាចំពោះការសិក្សា ឬជីវិតសិល្បៈនោះទេ។

ជាក់ស្តែងតារាវ័យក្មេង រ៉េត ស៊ូហ្សាណា ថ្មីៗនេះបានប្រកាសទើបបញ្ចប់ការសិក្សាថ្នាក់មហាវិទ្យាល័យនៅសាលាដ៏ល្បីឈ្មោះមួយ ដោយជោគជ័យ និងមោទកភាពបំផុត។ កញ្ញា រ៉េត ស៊ូហ្សាណា ក៏បានលើក ឡើងប្រកបដោយក្តីរំភើបបែបនេះថា រៀនផងធ្វើការផងក្នុងពេលតែមួយ មិនមែនជារឿងងាយស្រួលទេ តែពេលនេះខ្ញុំអាចធ្វើបានហើយបន្ទាប់ពីការខិតខំ ប្រឹងប្រែងអស់រយៈពេល ៤ ឆ្នាំ។

កញ្ញា រ៉េត ស៊ូហ្សាណា បានបញ្ជាក់ថា ខ្ញុំបានបញ្ចប់ការសិក្សានៅមហាវិទ្យាល័យ Raffles internati onal college majoringin business management។ គេឃើញមានអ្នកគាំទ្រ និងមហាជនជាច្រើនបានបង្ហាញការអបអរសាទរចំពោះជោគជ័យរបស់ រ៉េត ស៊ូហ្សាណា ផងដែរ។

សូមបញ្ជាក់ដែរថា កញ្ញា រ៉េត ស៊ូហ្សាណា បច្ចុប្បន្នបានក្លាយជាតារាចម្រៀងពេញសិទ្ធិនៅក្នុងផលិត កម្មរស្មីហង្សមាស ហើយបន្តការងារសិល្បៈមួយនេះយ៉ាងជោគជ័យគួរឱ្យកត់សម្គាល់ ដោយប៉ុន្មានឆ្នាំចុងក្រោយនេះ រ៉េត ស៊ូហ្សាណា ក្ដោបបានទីផ្សារការងារការថតផ្សាយពាណិជ្ជកម្មធំៗ និងក្លាយជាទូតសុឆន្ទៈឱ្យក្រុមហ៊ុនធំៗជាបន្តបន្ទាប់៕