ជីវិតកម្សាន្ដ
ឱក សុគន្ធកញ្ញា បើកកកាយប្រវត្តិស្នេហាគ្រាដំបូងជាមួយស្វាមី
កំពូលតារាចម្រៀងអ្នកនាង ឱក សុគន្ធកញ្ញា បន្ទាប់ពីរៀបការសាងសុភមង្គលគ្រួសារជាមួយស្វាមីដែលត្រូវជាប្អូនប្រុសបង្កើតរបស់ថៅកែផលិតកម្មហង្សមាសរហូតឈានដល់ទទួលបានការដូរចំណងដៃកូនប្រុសម្នាក់នោះ ឃើញថាសម្ព័ន្ធភាពស្នេហាជាប្តី-ប្រពន្ធរបស់អ្នកទាំងពីរកាន់តែមានភាពផ្អែមល្ហែមនិងរឹងមាំខ្លាំង។
តាមការកត់សម្គាល់ចំពោះសុភមង្គលគ្រួសាររបស់តារាស្រីអ្នកនាង ឱក សុគន្ធកញ្ញា និងស្វាមីលោក អ៊ឹង សុខលី បើគិតមកទល់ពេលនេះទើបមានរយៈពេលប៉ុន្មានឆ្នាំតែប៉ុណ្ណោះ។ ប៉ុន្តែបើនិយាយពីភាពផ្អែមល្ហែមវិញ គឺមិនចាញ់តារាប្រុស-ស្រីវ័យក្មេងឯទៀតនោះទេ ខណៈដែលថ្មីៗនេះ នាងទើបតែធ្វើឲ្យមហាជននិងអ្នកគាំទ្រចាប់អារម្មណ៍លើប្រវត្តិស្នេហាគ្រាដំបូងរបស់អ្នកទាំង២ផងដែរ។
អ្នកនាង ឱក សុគន្ធកញ្ញា បានរៀបរាប់ឲ្យដឹងពីប្រវត្តិស្នេហារវាងនាងនិងស្វាមីដូច្នេះថា ដំបូងឡើងនាងបានស្គាល់និងរួមការងារជាមួយស្វាមីដូចជារឿងចៃដន្យមួយ គឺពួកគេបានចេញទៅធ្វើការជាមួយគ្នានៅឯប្រទេសម៉ាឡេស៊ី ដែលកាលនោះនាងទើបតែចូលផលិតកម្មរស្មីហង្សមាសដំបូង ។
តារាចម្រៀងអ្នកនាង ឱក សុគន្ធកញ្ញា បន្តទៀតថា ដោយកាលណោះព្រោះតែស្ថិតក្នុងក្រុមការងាររួមក៏មានការយកចិត្តទុកដាក់ចំពោះគ្នាទៅវិញទៅមក លក្ខណ:ជាមិត្តភ័ក្ដិរួមការងារ។ ម្យ៉ាងទៀតអំឡុងពេលនោះនាងក៏មើលឃើញពីចំណុចល្អជាច្រើនរបស់ស្វាមីគ្រាចេញទៅធ្វើការជាមួយគ្នានៅឯប្រទេសម៉ាឡេស៊ី។
ឱក សុគន្ធកញ្ញា បានបញ្ជាក់ដែរថា នេះហើយគឺជាប្រវត្តិស្នេហ៍រវាងនាងនិងស្វាមី។ នាងបន្ថែមថាកន្លងមកស្វាមីរបស់នាង គឺជាមនុស្សដែលមិនចូលចិត្តស្ដាប់ចម្រៀងរបស់អ្នកនាងសោះតែម្តងឃើញប្លែកអត់អ្នកទាំងអស់គ្នា។ សូមរម្លឹកថា ឱក សុគន្ធកញ្ញា បានសម្រេចដឹកដៃលោក អ៊ឹង សុខលី ចូលរោងការតាមប្រពៃណីយ៉ាងអធិកអធមកាលពីខែមីនា ឆ្នាំ២០១៩កន្លងទៅ ដែលគិតមកដល់ពេលនេះចំណងអាពាហ៍ពិពាហ៍របស់អ្នកទាំងពីរមានរយៈពេលប្រមាណជា៣ឆ្នាំហើយ៕
អត្ថបទ៖ ចាន់រ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ