ជីវិតកម្សាន្ដ

មង្គលការ Britney Spear សុទ្ធតែតារាជួរមុខចូលរួម បែរគ្មានវត្តមានសាច់ញាតិសោះ

បានផុស

២ years មុន

នៅ

ថ្ងៃសៅរ៍ ១១ មិថុនា ២០២២

ដោយ

អាពាហ៍ពិពាហ៍របស់តារាចម្រៀង Britney Spears កាលពី៣ថ្ងៃកន្លងទៅ បានប្រារព្ធឡើងនៅវីឡារបស់កូនក្រមុំផ្ទាល់ ដែលមានការចូលរួមពីសំណាក់តារាល្បីៗលំដាប់ពិភពលោកជាច្រើនរូប ប៉ុន្តែសាច់ញាតិរបស់នាងបែរជាអវត្តមានទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីមង្គលការនេះបានរៀបចំនៅខាងស្រីក្នុងទីក្រុង Los Angeles រដ្ឋកាលីហ្វ័រញ៉ា ដែលមានតារាៗសុទ្ធតែលំដាប់ A មកចូលរួមជាភ្ញៀវកិត្តិយស។ ក្នុងនោះគេឃើញមានតារាចម្រៀងប៉ុប Madonna តារាសម្ដែងអាមេរិកាំង Drew Barrymore តារាស្រី Paris Hilton តារាចម្រៀង Selena Gomez និងអ្នកច្នៃម៉ូដជនជាតិអ៊ីតាលី អ្នកស្រី Donatella Versace។

ថ្វីត្បិតពិធីធ្វើឡើងបែបឯកជនបន្តិច និងមិនសូវអធឹកអធមយ៉ាងណាក៏ដោយ ប៉ុន្តែតារាល្បីៗដែលមានវត្តមានក្នុងពិធី បានរួមគ្នាច្រៀងចម្រៀងពិសេសជូនកូនកំលោះកូនក្រមុំ យ៉ាងសប្បាយរីករាយប្រកបដោយអត្ថន័យជាទីបំផុត។

យ៉ាងណាមិញ ពិធីដ៏មានសុភមង្គលនេះ បែរជាពុំមានវត្តមានរបស់សាច់ញាតិខាងស្រីចូលរួមឡើយ។ ម្ដាយឪពុក ប្អូនស្រី រួមទាំងកូនប្រុសទាំងពីររបស់ Britney Spears សុទ្ធតែមិនបង្ហាញក្នុងពិធីមង្គលការនេះ។ ទោះយ៉ាងណា បងប្រុសរបស់នាងបានចូលរួមជាសាច់ញាតិដ៏សំខាន់ ដោយបានជំនួសឪពុក ធ្វើជាអ្នកដឹកដៃកូនក្រមុំចូលរោងការ៕