ជីវិតកម្សាន្ដ

ក្រុមតន្ត្រីហុងកុង Mirror បញ្ចប់ការសម្ដែងភ្លាមៗ ក្រោយជួបហេតុការណ៍ធ្លាក់ LED សង្កត់លើ(មានវីដេអូ)

បានផុស

២ years មុន

នៅ

ថ្ងៃសុក្រ ២៩ កក្កដា ២០២២

ដោយ

ក្រុមតន្ត្រី Mirror កំពុងសម្ដែងនៅក្នុងកម្មវិធី Hong Kong Coliseum ភ្លាមៗនោះ ស្រាប់តែមានឧបទ្ទវហេតុធ្លាក់ LED វីដេអូធំមួយនៅពីលើឆាក ខណៈមនុស្ស ៥នាក់រងរបួស និង៣នាក់បញ្ជូនទៅមន្ទីរពេទ្យជាបន្ទាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងទៅតាមទូរទស្សន៍ក្នុងស្រុក RTHK បានរាយការណ៍ថា ឧប្បត្តិហេតុនេះបានកើតឡើងកាលពីថ្ងៃទី ២៨ ខែកក្កដាហើយអ្នករាំ២នាក់បានរងរបួសស្ថិតក្នុងស្ថានភាពធ្ងន់ធ្ងរ និងម្នាក់ទៀតបាត់បង់ស្មារតី។ ប្រព័ន្ធផ្សព្វផ្សាយក្នុងស្រុកបានរាយការណ៍ថា សមាជិកទស្សនិកជនចំនួន ៣ នាក់ក៏បានរងរបួសរហូតធ្វើឲ្យមានអ្នកគាំទ្រជាច្រើនរំជួលចិត្ត បន្ទាប់ពីព្រឹត្តិការណ៍ដ៏រន្ធត់នេះ។

ដោយឡែក លោក John Lee នាយកប្រតិបត្តិរបស់កម្មវិធី Hong Kong Coliseum បានចេញមុខនិយាយ ថ្ងៃនេះថា “ខ្ញុំមានការភ្ញាក់ផ្អើល ចំពោះឧបទ្ទវហេតុនេះ។ ខ្ញុំសូមសម្តែងការសោកស្ដាយ ដល់អ្នកដែលរងរបួសហើយសង្ឃឹមថាពួក គេនឹងជាសះស្បើយឆាប់ៗ” ។ លោកក៏បានបន្តទៀតថា រដ្ឋាភិបាលនឹងស៊ើបអង្កេត និងពិនិត្យនីតិវិធីសុវត្ថិភាព ដើម្បីការពារអ្នកសម្ដែង ។

ហេតុការណ៍ខាងលើនេះធ្វើឲ្យអ្នកគាំទ្ររបស់ Mirror ជាង ១៣,០០០ នាក់បានចុះហត្ថលេខា លើអ៊ីនធឺណិតឲ្យមានការស៊ើបអង្កេតពីរដ្ឋាភិបាល និងដោះស្រាយបញ្ហា។ ជុំវិញបញ្ហាខាងលើនេះ ក្រុមហ៊ុន MakerVille ដែលជាអ្នករៀបចំការប្រគុំតន្ត្រីដែលគ្រប់គ្រងដោយក្រុមហ៊ុន PCCW Media Group របស់មហាសេដ្ឋីហុងកុង Richard Li បាននិយាយថា ខ្លួនកំពុងស៊ើបអង្កេតយ៉ាងហ្មត់ចត់ អំពីមូលហេតុនៃគ្រោះថ្នាក់មួយនេះ៕

សូមទស្សនាវីដេអូខាងក្រោម៖

ប្រែសម្រួល៖នាងតូច

ប្រភព៖thestar