ជីវិតកម្សាន្ដ

បាត់មុខមួយរយៈ! ណាំ ប៊ុណ្ណារ័ត្ន ប្រាប់គន្លឹះនៃការច្រៀងដល់អ្នកចម្រៀងជំនាន់ក្រោយ

បានផុស

៤ years មុន

នៅ

ថ្ងៃព្រហស្បតិ៍ ១១ សីហា ២០២២

ដោយ

ណាំ ប៊ុណ្ណារ័ត្ន ដែលជាតារាចម្រៀងល្បីឈ្មោះប្រចាំនៅប្រទេសកម្ពុជាមួយរូបកន្លងអ្នកគាំទ្រធ្លាប់ដឹងហើយថា សម្រាប់ទីផ្សារចម្រៀងរបស់លោកហាក់មានសន្ទុះខ្ពស់មិនចាញ់តារាប្រុស-ស្រីរួមជំនាន់ឡើយតាមរយៈទឹកដមសំឡេងពីរោះក្រអួនក្រអៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីលោកសាងប្រជាប្រិយភាព និងកេរ្តិ៍ឈ្មោះល្បីល្បាញមួយសន្ទុះធំស្រាប់តែអំឡុងពេលក្រោយមកលោក ណាំ ប៊ុណ្ណារ័ត្ន ក៏បានបាត់មុខពីវិថីសិល្បៈអស់រយៈកាលជាច្រើនឆ្នាំមកហើយ ខណៈដែលកាលនោះលេចឮព័ត៌មានថា លោកបានរៀបការជាមួយភរិយារួចក៏សម្រេចចិត្តប្រើជីវិតសាមញ្ញសាងសុភមង្គលគ្រួសារយ៉ាងមានសេចក្តីសុខបំផុត។

ដោយឡែកថ្មីៗនេះ ក៏ស្រាប់តែមានដំណឹង និងលេចវត្តមានរបស់តារាចម្រៀងលោក ណាំ ប៊ុណ្ណារ័ត្ន នៅក្នុងវិថីសិល្បៈជាថ្មីឡើងវិញ។ ទន្ទឹមគ្នានៃការបង្ហាញមុខក្នុងវិស័យចម្រៀងនេះដែរ លោក ណាំ ប៊ុណ្ណារ័ត្ន ក៏បានបង្ហើបប្រាប់ពីគន្លឹះនៃការច្រៀងដល់អ្នកចម្រៀងជំនាន់ក្រោយផងដែរ។

តាមរយៈការចែករំលែកនោះលោក ណាំ ប៊ុណ្ណារ័ត្ន បានលើកឡើងថា«កុំព្យាយាមកែស្តាយនៃការច្រៀង បើសំឡេងប្រភេទណាច្រៀងតាមធម្មតាហើយអ្វីដែលត្រូវកែ គឺចង្វាក់តន្ត្រីឲ្យទាន់សម័យកាលបើគេពូកែរ៉េប យើងទៅរ៉េបអីដែរ បើវាមិនទំនង មានតែខ្មាសខ្លួនឯងទេ។ អ្នកស្តាប់ក៏ដូចគ្នា អ្នកណាចូលចិត្តអីគេស្តាប់ហ្នឹងហើយ កុំចេះតែទៅៗអី»។ ការលើកឡើងបានធ្វើឲ្យទស្សនិកជនជាច្រើនសម្តែងការគាំទ្រត្រង់សម្តីមានន័យខាងលើនេះ៕

អត្ថបទ៖ ចាន់រ៉ា