Britney Spears បញ្ចេញរូបស្រាតច្រើនសន្លឹក កំពុងបង្កភាពចម្រូងចម្រាសលើបណ្ដាញសង្គម

តារាចម្រៀងប៉ុប Britney Spears បានចេញមុខ​ការពារ​ខ្លួនឯង និងឆ្លើយតបជាមួយអ្នករិះគន់មិនទុកមុខ ក្រោយមានទស្សនិកដៀមដាមលើរូបអាក្រាតកាយរបស់នាង ដែលទើបបង្ហោះនៅ​លើបណ្ដាញសង្គម Instagram នាពេលថ្មីៗនេះ។

តារា​ស្រី ៤០ឆ្នាំ​រូប​នេះ ​បាន​បង្ហោះ​រូបថតអាក្រាតជាច្រើនសន្លឹកនៅលើគណនី IG ​របស់​នាង ដោយបណ្ដាលឱ្យផ្ទុះនូវមតិរិះគន់យ៉ាងចាស់ដៃលើរូបទាំងនោះ ប៉ុន្តែទន្ទឹមនឹងគ្នាដែរ ក៏មានអ្នកចេញមុខមកជួយការពារនាងដូចគ្នា ខណៈសាមីខ្លួនវិញក៏ចេញមកការពារខ្លួនឯងផងដែរ។

អ្នករិះគន់បានលើកឡើងថា Britney ហាក់ធ្វើជ្រុលពេក ដោយហ៊ានថតរូបគ្មានសម្លៀកបំពាក់ ហើយបង្ហោះមិនគិតខ្លួនឯងជាបុគ្គលសាធារណៈ។ ឆ្លើយតបនឹងពាក្យទាំងនេះ នាងនិយាយថា​ មនុស្សម្នាក់មានសិទ្ធិលើរូបរាងរបស់ខ្លួន និងធ្វើអ្វីដោយសេរី ឱ្យតែមិនប៉ះពាល់អ្នកដទៃ។ នាងបានចោទសួរថា តើរូបថតរបស់នាងបានធ្វើបាបដល់នរណាឬ ទើបបានជាមិនអាចបង្ហោះបាន?

ស្របពេលជាមួយគ្នាដែរ ប្រភពខ្លះបានឱ្យដឹងថា តាមពិតរូបថតអាក្រាតរបស់ Britney Spears គឺដោយសារនាងថត MV បទថ្មី ដែលជាការស្វាគមន៍ក្នុងការវិលត្រឡប់ចូលឧស្សាហកម្មតន្ត្រីវិញ ក្រោយបាត់មុខមួយរយៈធំ៕

ប្រែសម្រួល៖ សន្យា

ប្រភព៖ Daily Star

ចុចអាន៖ Shawn Mendes ផ្អាកការប្រគុំតន្ត្រី ព្រោះយកពេលទៅព្យាបាលផ្លូវចិត្ត

ចុចអាន៖ ទម្លាយតម្លៃខ្លួន Lady Gaga សម្ដែងក្នុងរឿង “Joker 2”