ជីវិតកម្សាន្ដ

Ken បង្ហោះឃ្លិបជាមួយកូនប្រុស អ្នកគាំទ្រចាប់អារម្មណ៍លើសម្រស់របស់លោក

បានផុស

៤ years មុន

នៅ

ថ្ងៃចន្ទ ២៩ សីហា ២០២២

ដោយ

តារាសម្ដែងជើងចាស់ ken theeradeth បង្ហោះឃ្លិបឱបកូនប្រុសពៅទាំងទឹកមុខសប្បាយរីករាយ។ ខណៈអ្នកគាំទ្រហាក់ចាប់អារម្មណ៍ខ្លាំង លើសម្រស់របស់លោកមិនប្រែចាស់ទៅតាមវ័យសោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងវីដេអូឃ្លិបនោះ Ken បានប្រលែងលេងជាមួយកូនប្រុសពៅយ៉ាងសប្បាយរីករាយ ដែលធ្វើឲ្យមហាជនបញ្ចេញមតិផ្ដោតលើលោកទៅវិញ។ ក្រោយឃ្លិបនោះបង្ហោះមិនប៉ុន្មាន លោកត្រូវបានគេសរសើរថា ពេលណាទើបលោកព្រមចាស់តាមវ័យ ខណៈកូនៗកាន់តែធំពេញកម្លោះអស់ហើយ។

តារាសម្ដែងរូបនេះត្រូវបានមហាជនដឹងឮថា លោកមានកូនប្រុសដល់ទៅពីរនាក់ ហើយកូនច្បងមានឈ្មោះថា Khunatum Wongpuapan អាយុ ១៤ឆ្នាំ និងកូនប្រុសពៅមានឈ្មោះថា Thippatai Wongpuapan អាយុ ១២ ឆ្នាំ ជាមួយភរិយា Butsakorn Wongpuapan ដែលគេនិយាយថា គ្រួសារនេះមានភាពកក់ក្ដៅ។ ជាពិសេសលោកនិងភរិយា តែងនាំកូនៗធ្វើដំណើរកម្សាន្ត និងធ្វើសកម្មភាពជាមួយគ្នាជានិច្ច។

យ៉ាងណាមិញតួប្រុសក្នុងរឿង “ពិសបង្ក្រាបភ្លើង” រូបនេះ តែងតែថតរូបជុំជាមួយគ្រួសារតាំងពីកូនៗនៅតូចៗមកម្ល៉េះ។ជាមួយគ្នានេះដែរ ហ្វេនៗរបស់លោកតែងលួចសង្កេតលើសម្រស់ Ken ទោះបីជាលោកឈានចូលវ័យ៤៤ឆ្នាំហើយក្ដី។ក្នុងនោះគេពោលពាក្យសរសើរថា ken នៅតែសង្ហា និងអាចឈរលើតំណែងតួឯកមកដល់បច្ចុប្បន្ននេះបានដដែល៕