អតីតសមាជិក 2NE1 ម្នាក់ ទម្លាយអារម្មណ៍ពិត ក្រោយក្រុមរំសាយចោល (មានវីដេអូ)

នៅក្នុងកម្មវិធីកម្សាន្តរបស់ MBC ‘Radiostar’ តារាចម្រៀង Sandara Park អតីតសមាជិកក្រុម 2NE1 បានបង្ហើបពីអារម្មណ៍ពិតរបស់នាង ក្រោយការសម្តែងជាមួយក្រុមមួយនេះនៅក្នុងព្រឹត្តិការណ៍ Coachella ក៏ដូចរឿងរ៉ាវក្នុងចិត្តមួយចំនួនទៀត បន្ទាប់ពី 2NE1 ត្រូវបានរំសាយក្រុមចោល ។

នៅកម្មវិធីនោះពិធីករ Ahn Young Mi បាននិយាយអំពីប្រធានបទផ្សេងៗជាច្រើន ហើយបានសួរសំណួរចំៗទៅកាន់ Sandara ថា “2NE1 ល្បីខ្លាំងណាស់ តើអ្នកមានអារម្មណ៍យ៉ាងណាពេលក្រុមនេះបានរំសាយចោល? ភ្លាមៗនោះនាងក៏ឆ្លើយតបថា “ខ្ញុំមានអារម្មណ៍ថាដូចជាមេឃកំពុងធ្លាក់ចុះសង្កត់មកលើផែនដីអញ្ចឹង ហើយខ្ញុំគិតថា បន្ទាប់ពីក្រុមបែកបាក់ វាក៏ជាភាពខ្មៅងងឹតមួយសម្រាប់ជីវិតខ្ញុំក្នុងរយៈពេលប៉ុន្មានឆ្នាំមកនេះ” ។

នាងបានរៀបរាប់យ៉ាងលម្អិតថា “នៅពេលនោះស្ថានភាពមិនល្អទេ ទីភ្នាក់ងារគិតថា ពិបាកសម្រាប់ក្រុមក្នុងការចេញផ្សាយអាល់ប៊ុមថ្មី ប៉ុន្តែសម្រាប់សមាជិកម្នាក់ៗចង់បន្តចេញអាល់ប៊ុមថ្មី ព្រោះមាន អ្នកគាំទ្រចង់ឃើញការវិលត្រលប់របស់ពួកយើង ។ ទោះយ៉ាងណាដោយសារអាល់ប៊ុមពេញថ្មីនេះមានចម្រៀងតែ ២ បទប៉ុណ្ណោះ ទើបយើងគិតថា វាមិនអាចវិលត្រលប់មកជួបអ្នកគាំទ្របាននោះទេ”។

ជាចុងក្រោយ Sandara បានសារភាពថា វាជាក្តីសុបិនរបស់នាងក្នុងការជួបជុំក្រុម 2NE1 នៅលើឆាកឡើងវិញ ហើយសមាជិក ៣ នាក់ទៀតក៏ប្រាថ្នាដូចគ្នា ។ នាងបានបង្ហើបទៀតថា “យើងជឿថានឹងមានពេលវេលាសម្រាប់ពួកយើងដើម្បីជួបជុំគ្នាម្តងទៀតដូចនឹងក្រុម Girls’ Generation ដែលបានប្រមូលផ្ដុំគ្នាវិញកាលពីពេលថ្មីៗនេះ” ៕

សូមទស្សនាវីដេងូខាងក្រោម៖

ប្រែសម្រួលដោយ ៖ នាងតូច

ចុចអាន៖ ៨ ឆ្នាំហើយ ក្មេងប្រុសដើរតួ Lee Jong Suk កាលនៅតូច ក្នុងរឿង “Pinocchio” មានជីវិតបែបណា?