កន្លងទៅ ២៤ឆ្នាំ អតីតតួ ជូប៉ាចេ ត្រឡប់មកដើរតាមគន្លងចាស់

រយៈពេល ២៤ឆ្នាំកន្លងផុតទៅ ដែលខ្សែភាពយន្តរឿង “ថាំងចេងទៅចម្លងធម៌” បញ្ចប់ការចាក់ផ្សាយ ប៉ុន្តែវានៅតែដក់ជាប់ក្នុងដួងចិត្តអ្នកគាំទ្រជានិច្ច ខណៈតួនីមួយៗនៃរឿងនេះមិនថា ថាំងចេង ស៊ុនអ៊ូខុង ឬជូប៉ាចេនោះទេ ពួកគេក្លាយជាតួដ៏មានឥទ្ធិពលក្នុងចំណោមទស្សនិកជន ហើយពេលនេះអតីតតួ ជូប៉ាចេ លោក Wayne Lai បានត្រឡប់មកដើរតួនេះម្ដងទៀត ធ្វើឱ្យអ្នកគាំទ្រនាំគ្នាសាទរយ៉ាងខ្លាំង។

ក្រោយជោគជ័យរឿង “ថាំងចេងទៅចម្លងធម៌” ស៊េរីចាស់ នៅចុងឆ្នាំ២០២២នេះ អ្នកដឹកនាំរឿងបានសម្រេចចិត្តផលិតវគ្គថ្មីបន្តទៀត ដែលមានចំណងជើងថា “Journey to the West: Marble Mountains” ដែលក្នុងនោះតារាសម្ដែងហុងកុងលោក Wayne Lai បានដើរតួជា ជូប៉ាចេ ដដែល បន្ទាប់ធ្លាប់សម្ដែងក្នុងរឿងចាស់ កាលពី ២៤ឆ្នាំមុន។

គួររំលឹកថា រឿង “ថាំងចេងទៅចម្លងធម៌” ឆ្នាំ១៩៩៨ របស់ស្ថានីយទូរទស្សន៍ TVB ធ្លាប់ធ្វើឱ្យកេរ្តិ៍ឈ្មោះលោក Wayne Lai ល្បីល្បាញជាខ្លាំង ដែលបន្ទាប់ពីរឿងនេះចប់ការចាក់ផ្សាយ លោកបានក្លាយជាតារាមានប្រជាប្រិយបំផុត និងមានប្រាក់ខែខ្ពស់បំផុតមួយរូបប្រចាំប៉ុស្តិ៍ទូរទស្សន៍ហុងកុង។ ក្នុង​អាជីព​របស់​លោក លោក​ធ្លាប់​ឈ្នះ​ពាន​រង្វាន់​មិនតិចនោះទេ និង​ធ្លាប់បង្ហាញ​ខ្លួន​ជាតួឯកក្នុង​រឿង​ល្បីៗ​ជា​ច្រើន​ទៀតផង៕

ប្រែសម្រួល៖ សន្យា

ចុចអាន៖ តួ លី លានជា ប្រកាសឈប់ពីសិល្បៈជារៀងរហូត

ចុចអាន៖ មុនល្បីល្បាញ និងមានប្រាក់វាល់លានដូចសព្វថ្ងៃ អតីតតួ ចាន់ចាវ ឆ្លងកាត់ជីវិតជូរចត់ណាស់