តារាកំប្លែងអ្នកនាងកាឆយបានបង្ហាញអារម្មណ៍រន្ធត់ចិត្តជាខ្លាំង និងសោកស្តាយជាពន់ពេកបន្ទាប់ពីទទួលដំណឹងនៃការទទួលមរណភាពរបស់បងប្រុសជាទីស្រលាញ់ដោយសារជំងឺក្រិនថ្លើម។

តាមរយៈដំណឹងមរណភាពរបស់បងប្រុសបង្កើតអ្នកនាង កាឆយ ពេលនេះគេឃើញមានអ្នកគាំទ្រព្រមទាំងសិល្បករ-សិល្បការិនីជាច្រើនបានសម្តែងការសោកស្តាយចំពោះការបាត់បង់បងប្រុសជាទីស្រលាញ់។ ក្នុងនោះក៏មានការផ្ញើសារចូលរួមរំលែកទុក្ខគ្រប់ៗគ្នាជាមួយក្រុមគ្រួសារសិល្បការិនីរូបនេះផងដែរ។

បើតាមការរៀបរាប់របស់អ្នកនាង កាឆយ បានលើកឡើងថា «បងប្រុសបង្កើតរបស់ខ្ញុំគ្រាន់តែប្អូនស្រីមកដល់និយាយ បានតែបួនដប់មាត់ជាមួយប្អូនស្រីបងទៅចោលប្អូនហើយសូមទៅអោយបានសុខចុះ»។ បងប្រុសរបស់អ្នកនាងបានទទួលមរណភាពកាលពីថ្ងៃទី ១៣ ខែតុលាឆ្នាំ២០២២។

ចំពោះដំណឹងមរណទុក្ខដ៏ក្រៀមក្រំ និងសោកសៅរបស់បងប្រុសតារាកំប្លែងអ្នកនាង កាឆយ នេះដែរក៏មានការចូលរួមសោកស្តាយយ៉ាងខ្លាំងជាមួយក្រុមគ្រួសារសពផងដែរ៕

អត្ថបទ៖ ចាន់រ៉ា