បវរកញ្ញាចក្រវាល ២០១៨ ពោលសរសើរវៀតណាមពេញៗមាត់ ក្រោយក្លាយជាគណៈកម្មការ Miss Universe Vietnam

ម្ចាស់តំណែងឯកបវរកញ្ញាចក្រវាល ឆ្នាំ២០១៨ Catriona Gray បានចែករំលែកវីដេអូ​ Vlog សរសើរពីប្រជាជនវៀតណាមពេញៗមាត់ ក្រោយពេលបានធ្វើដំណើរទៅប្រទេសវៀតណាមដើម្បីធ្វើជាចៅក្រមវិនិច្ឆ័យក្នុងកម្មវិធី Miss Universe Vietnam 2022 កាលពីប៉ុន្មានខែមុន។

បវរកញ្ញា Catriona Gray ម្ចាស់មកុដ Miss Universe ២០១៨ ថ្មីៗនេះ បានបង្ហោះ Vlog មួយនៅលើបណ្តាញទំនាក់ទំនងសង្គមរបស់ខ្លួន បន្ទាប់ពីក្លាយជាគណៈកម្មការក្នុងកម្មវិធីប្រកួតសម្រស់ បវរកញ្ញាចក្រវាល វៀតណាម ២០២២ កាលពីខែមិថុនា ​កន្លងទៅ។

នៅក្នុងវីដេអូ Vlog បវរកញ្ញា Catriona Gray បានលើកសរសើរប្រជាជនវៀតណាម ក៏ដូចជាអ្នកគាំទ្ររបស់នាងថា ពួកគេជាមនុស្សរួសរាយរាក់ទាក់ ដោយតែងតែមានស្នាមញញឹមនៅលើបបូរមាត់មិនរុះរោយ។ ជាក់ស្ដែងពេលចុះពីលើយន្តហោះភ្លាម អ្នកគាំទ្របានស្វាគមន៍នាងយ៉ាងកក់ក្ដៅជាទីបំផុត។ បន្ថែមពីលើពាក្យពោលសរសើរ នាងបានថ្លែងអំណរគុណដល់ប្រជាជនវៀតណាមទាំងអស់ ទោះបីជាវៀតណាមមិនមែនជាស្រុកកំណើតរបស់នាងក៏ដោយ ​ប៉ុន្តែនាងទទួលអារម្មណ៍កក់ក្ដៅណាស់ ពេលស្នាក់នៅប្រទេសនេះ។

គួររំលឹកថា Catriona Gray បានទៅដល់ប្រទេសវៀតណាម កាលពីចុងខែមិថុនា ឆ្នាំ២០២២ ដើម្បីធ្វើជាចៅក្រម Miss Universe Vietnam 2022 ហើយកន្លងទៅជាង ៣ខែ ទើបនាងបង្ហោះ Vlog កាលស្នាក់នៅវៀតណាម៕

ប្រែសម្រួល៖ សន្យា

ចុចអាន៖ ទម្លាយទំនាក់ទំនងជិតដិតមិនធ្លាប់ដឹងរវាង Thuy Tien និងអនុប្រធាន Miss Grand  

ចុចអាន៖ Jennie ទម្លាយចំណុចខ្សោយខ្លួនឯង ហ្វេនដឹងហើយ អស់សំណើចគ្រប់គ្នា