ជីវិតកម្សាន្ដ

Jennie ទម្លាយចំណុចខ្សោយខ្លួនឯង ហ្វេនដឹងហើយ អស់សំណើចគ្រប់គ្នា

បានផុស

១ year មុន

នៅ

ថ្ងៃសៅរ៍ ១៥ តុលា ២០២២

ដោយ

ក្នុងនាមជាតារាស្រីដែលមានទាំងសមត្ថភាព និងសម្រស់ Jennie សមាជិកក្រុមBLACKPINK ទទួលស្គាល់ថាខ្លួនមិនចេះធ្វើសក់នោះទេ ធ្វើឱ្យអ្នកគាំទ្រដែលបានដឹងអាថ៌កំបាំងនេះ អស់សំណើចសឹងគ្រប់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Jennie ជាតារាស្រីដែលមានសមត្ថភាពមួយរូបក្នុងវិស័យ Kpop នាងទទួលបានជោគជ័យយ៉ាងខ្លាំងក្នុងវិស័យតន្ត្រី និងផ្សព្វផ្សាយម៉ូដល្បីៗ។ យ៉ាងណាមិញ សមាជិកក្រុម BLACKPINK រូបនេះ បែរជាមិនចេះធ្វើម៉ូដសក់ សូម្បីតែក្រងសក់នាងមិនដឹងធ្វើយ៉ាងណាផង ដែលការពិតនេះត្រូវបានលាតត្រដាងដោយខ្លួននាងផ្ទាល់ និងបានធ្វើឱ្យអ្នកគាំទ្រទប់សំណើចមិនបាន។

នៅក្នុង Vlog ចុងក្រោយរបស់ Jennie នាងសារភាពថា ចំណុចខ្សោយរបស់នាង គឺមិនចេះធ្វើស្ទីលសក់ បើទោះបីជានាងមានគំនិតច្រើនអំពីម៉ូដសក់ដែលនាងចង់បានក៏ដោយ ប៉ុន្តែធ្វើឱ្យវាលេចជារូបរាង នាងធ្វើមិនបានសោះតែម្ដង។ ដូច្នេះហើយ ទើបនាងតែងតែមានជំនួយពីជាងកាត់សក់អាជីព និងតែងមានអ្នកធ្វើម៉ូដសក់ឱ្យជាប្រចាំ គ្រប់ពេលដែលនាងបង្ហាញខ្លួនជាសាធារណៈ។

ឆ្លើយតបនឹងការសារភាពដ៏គួរឱ្យស្រឡាញ់របស់ Jennie អ្នកនិយមលេងអ៊ីនធឺណិត មិនបណ្តុះបង្អាប់នាងនោះទេ ពួកគេបែរជាពោលសរសើរពីភាពស្មោះត្រង់របស់នាង គ្រាន់តែមហាជនមួយចំនួនផ្ទុះសំណើច ចំពោះចំណុចខ្សោយដែលនឹកស្មានមិនដល់របស់តារាស្រីល្បីរូបនេះប៉ុណ្ណោះ៕