អតីតបេក្ខភាព Miss Grand ពីររូបលាតត្រដាងស្នេហាភេទដូចគ្នា និងប្រកាសរៀបការឆាប់ៗ

ទស្សនិកជនវិស័យសម្រស់រាប់លាននាក់សុទ្ធតែភ្ញាក់ផ្អើលខ្លាំង ក្រោយពេលអតីតបេក្ខភាព Miss Grand International 2020 ពីររូបប្រកាសទំនាក់ទំនងស្នេហាជាសាធារណៈ ព្រមទាំងមានបង្ហាញចិញ្ចៀនសុំរៀបការថែមទៀត។

កាលពីថ្ងៃទី២៨ ខែតុលា កន្លងទៅ អតីតបវរកញ្ញា​​កម្មវិធី Miss Grand International 2020 ពីររូបគឺបវរកញ្ញា Fabiola Valentin បេក្ខភាព Miss Grand ប្រទេសព័រតូរីកូ និងបវរកញ្ញា Mariana Varela បេក្ខភាព Miss Grand អាហ្សង់ទីន បាន​សម្រេច​ចិត្ត​បង្ហាញចំណង​ស្នេហារបស់អ្នកទាំងពីរដល់សាធារណជន ដោយបង្ហាញចិញ្ចៀនភ្ជាប់ពាក្យ ថែមទាំងប្រកាសដំណឹងរៀបការឆាប់ៗទៀតផង។

បន្ទាប់ពីប្រកាសទំនាក់ទំនងស្នេហាភេទដូចគ្នារួចមក ប្រិយមិត្តរបស់អ្នកទាំងពីរជាច្រើនបានបង្ហោះសារជូនពរពួកគេយ៉ាងព្រោងព្រាត ខណៈអ្នកគាំទ្រវិស័យបវរកញ្ញាក៏សម្ដែងក្ដីត្រេកអរជូន Fabiola Valentin និង Mariana Varela ផងដែរ៕

ប្រែសម្រួល៖ សន្យា

ចុចអាន៖ សង្សារហាយសូររបស់ Aum យកកាដូរថយន្ត មកឱ្យមិត្តស្រីដល់ផ្ទះ