កន្លងទៅ ៤ឆ្នាំ ក្មេងស្រីរហ័ស្សនាម “គុជខ្មៅ” របស់ពិភពលោក ប្រែប្រួលសម្រស់យ៉ាងណាហើយ?

បន្ទាប់ពីផ្ទុះប្រជាប្រិយភាពអស់រយៈពេល ៤ឆ្នាំ ក្មេងស្រីជនជាតិនេហ្សេរីយ៉ា ដែលជាប់រហ័ស្សនាម “គុជខ្មៅ” ស្រស់ស្អាតបំផុតនៅលើពិភពលោក បានផ្លាស់ប្តូរសម្រស់ និងរូបរាងខ្លាំង មើលសឹងលែងស្គាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីឆ្នាំ២០១៨ កន្លងទៅ ​ក្មេងស្រី Jare Ijalana ដែលមានអាយុទើបតែ ៥ឆ្នាំ ត្រូវបានអ្នកថតរូប Mofe Bamuyiwa ផ្តិតរូបរបស់នាងបង្ហោះនៅលើប្រព័ន្ធអ៊ីនធឺណិត ខណៈពេលនោះកេរ្តិ៍ឈ្មោះរបស់នាងស្រាប់តែផ្ទុះឡើងភ្លាមៗ ដោយសារតែរូបសម្រស់ដ៏ស្អាត បើទោះបីជានាងមានស្បែកខ្មៅក៏ដោយ។ គ្រប់​គ្នា​សុទ្ធតែ​ចាប់​អារម្មណ៍​លើនាង ដោយឱ្យរហ័ស្សនាមនាងថា “គុជខ្មៅ” របស់ពិភពលោក។

បន្ទាប់ពីល្បីល្បាញ ​Jare Ijalana ត្រូវបានអញ្ជើញឱ្យថតម៉ូដ ថតទស្សនាវដ្ដី ថតផ្សាយពាណិជ្ជកម្ម និងដើរបង្ហាញម៉ូដផងដែរ។ ក្នុងវ័យ ​៥ឆ្នាំ ក្មេងស្រីរូបនេះ អាចរកចំណូលបានរាប់លានមកចិញ្ចឹមខ្លួនឯង និងសមាជិកគ្រួសារឱ្យរស់នៅក្នុងជីវភាពស្រណុកស្រួល។

ថ្វីត្បិតតែទទួលឱកាសការងារពីវិស័យម៉ូដជាច្រើនយ៉ាងណាក្ដី នាងនៅតែមិនបោះបង់ការអប់រំ ដោយនាងតែងតែព្យាយាមចំណាយពេលសិក្សា រហូតដល់ឆ្នាំ២០២២នេះ Jare Ijalana បានផ្អាកការងារសិល្បៈមួយអន្លើ ដើម្បីផ្ដោតលើការរៀនសូត្រវិញ។ នាងធ្លាប់ទម្លាយប្រាប់ប្រព័ន្ធផ្សព្វផ្សាយថា ទៅថ្ងៃអនាគតនាងចង់ក្លាយជាវេជ្ជបណ្ឌិត។

​បច្ចុប្បន្នការបង្ហោះនានានៅលើបណ្តាញសង្គមរបស់ Jare លែងសូវទទួលបានការចាប់អារម្មណ៍ពីសាធារណជនទៀតហើយ ដោយសារនាងត្រូវចំណាយពេល​ទាំងស្រុង​លើ​ការ​សិក្សា​។ ម្យ៉ាងក្រោយ​ល្បី​បាន​ ៤​ឆ្នាំ សម្រស់​របស់ Jare ក៏​មាន​ការ​ប្រែប្រួល​ច្រើន​ដែរ នាងលែង​មាន​សម្រស់​ស្អាត​ដូច​មុន​ទៀត​ ស្របពេលដែលរាងកាយរបស់នាងកំពុង​ផ្លាស់​ប្តូរ​ទៅរកស្ថានភាពជាម​នុស្សវ័យជំទង់។

ខាងក្រោមជារូបភាពបច្ចុប្បន្នរបស់Jare Ijalana!

ប្រែសម្រួល៖ សន្យា

ចុចអាន៖ អតីត “ក្មេងស្រីស្អាតជាងគេលើលោក” ​ក្លាយជាសេដ្ឋីនីក្នុងវ័យ ១៧ឆ្នាំ