ជីវិតកម្សាន្ដ

អ្នកលេងអ៊ីនធឺណិតរិះគន់ Rosé កប់មាត់ ក្រោយសួរនាងមិនឆ្លើយពាក់ព័ន្ធ LGBT+

បានផុស

១ year មុន

នៅ

ថ្ងៃចន្ទ ១៤ វិច្ឆិកា ២០២២

ដោយ

ថ្មីៗនេះ Rosé សមាជិកក្រុម BLACKPINK ទទួលរងពាក្យរិះគន់យ៉ាងខ្លាំងពីអ្នកនិយមលេងអ៊ីនធឺណិត បន្ទាប់ពីតារាស្រីរូបនេះ មិនឆ្លើយសំណួររបស់ទស្សនិកជន អំពីសិទ្ធិស្រឡាញ់ភេទដូចគ្នា (LGBTQIA+)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងអំឡុងពេលព្រឹត្តិការណ៍ប្រគុំតន្ត្រីរបស់ BLACKPINK នៅទីក្រុង Chicago សហរដ្ឋអាមេរិក អ្នកគាំទ្រម្នាក់បានសួរ Rosé ថាតើនាង “គាំទ្រសិទ្ធិស្រឡាញ់ភេទដូចគ្នាឬអត់?” ភ្លាមៗ Rosé មិនបានឆ្លើយតបអ្វីឡើយ នាងគ្រាន់តែញញឹមទៅកាន់ម្ចាស់សំណួរ ហើយនាងបានធ្វើកាយវិការ rock on និងបញ្ចេញសំឡេង “វូ” រួចដើរចេញ។

បន្ទាប់ពីនោះមិនប៉ុន្មាននាទី វីដេអូរបស់ Rosé ត្រូវបានគេបង្ហោះ ដែលមានអ្នកចូលមើលរាប់លានដង។ ក្រោយឃ្លីបបានចែកចាយកាន់តែច្រើន អ្នកនិយមលេងអ៊ីនធឺណិតចាប់ផ្ដើមជជែកគ្នាយ៉ាងក្ដៅគគុកអំពីសកម្មភាពរបស់នាង ដោយមានអ្នកគាំទ្រជាច្រើនបានរិះគន់ថា នាងគួរតែឆ្លើយតបសំណួររបស់ហ្វេននូវវិធីដែលល្អជាងការដើរចេញ។

ទោះយ៉ាងនោះក្ដី BLINKs បានចេញមកការពារនាងភ្លាមៗ ដោយផ្តល់ទស្សនៈផ្សេងគ្នាលើប្រតិកម្មរបស់ Rosé និងបានលើកឡើងជាច្រើនដងនូវសកម្មភាពដែលនាងធ្លាប់បង្ហាញការគាំទ្រដល់សហគមន៍ LGBTQIA+។ BLINKs ក៏បានសង្កត់ធ្ងន់ថា ក្នុងអំឡុងពេលប្រគុំតន្ត្រី អ្នកចូលរួមគួរតែសួរសំណួរផ្សេងពីនេះ ព្រោះ Rosé មិនអាចឆ្លើយសំណួរបែបនេះ ស្ថិតក្នុងស្ថានភាពលំបាកដ៏ប្រថុចញុចឡើយ៕

ប្រែសម្រួល៖ សន្យា

ចុចអាន៖ BLACKPINK ក្លាយជាក្រុមចម្រៀងស្រី K pop ដំបូងគេ ឈ្នះពានរង្វាន់ MTV EMAs ចំនួន ២

ចុចអាន៖ ជាតារាល្បីមែនពិត តែ Lisa ប្រើគ្រឿងសម្អាងប្រចាំថ្ងៃ តម្លៃធម្មតាៗប៉ុណ្ណោះ