ជីវិតកម្សាន្ដ

អ្នកនាង សួន ចន្ថា ទម្លាយថា ដើរច្រៀងតាមហាងពេលយប់ រកលុយព្យាបាលជំងឺប្តី

បានផុស

៣ years មុន

នៅ

ថ្ងៃព្រហស្បតិ៍ ១៧ វិច្ឆិកា ២០២២

ដោយ

តារាចម្រៀងជើងចាស់អ្នកនាង សួន ចន្ថា បានទម្លាយប្រាប់ឲ្យដឹងយ៉ាងកម្សត់ថា រាល់ថ្ងៃអ្នកនាងដើរច្រៀងតាមហាងពេលយប់ ដើម្បីរកលុយព្យាបាលជំងឺប្តីដែលធ្លាក់ខ្លួនឈឺមានរយៈពេលប៉ុន្មានកន្លងមកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបញ្ជាក់ពីអ្នកនាង សួន ចន្ថា បានថ្លែងប្រាប់ផេកសិល្បករកម្ពុជារបស់តារាសម្ដែងលោក អ៊ឹម ជីវ៉ា ថា «ការពិតជីវិតបងស្រី សួន ចន្ថា អ៊ីចឹងសោះ គឺអាណិតគាត់ណាស់! ដើរច្រៀងតាមហាងពេលយប់ ដើម្បីរកលុយព្យាបាលជំងឺប្តី។ ពេលឮគាត់និយាយ គឺអាណិតណាស់ គាត់ថា អូនហើយពេលខ្លះបងខ្វះខាត សុខចិត្តលួចយំម្នាក់ឯង មិនឲ្យអ្នកណាដឹងឡើយ។

លោក អ៊ឹម ជីវ៉ា បានដកស្រង់សម្ដីអ្នកនាង សួន ច ន្ថា មកនិយាយទៀតថា គេឃើញបងសប្បាយ ថាធាតុពិតបងហត់ណាស់ប្អូនអើយ បងចាស់ហើយ បងក៏ចង់សម្រាកដែរ តែបើបងឈប់ច្រៀងផង បងមានលុយមកពីណា បងលាក់រឿងនេះយូរហើយ។ ហ៊ឺ…! ឆ្ងល់ណាស់ គាត់ល្បីយូរហើយ ហេតុអ្វីឃើញច្រៀងតាមហាងរាល់យប់មិនឈប់សោះ ការពិតគឺអ៊ីចឹងសោះ អាណិតគាត់ណាស់។

ដោយឡែកបើតាមការបង្ហើបឲ្យដឹងពីតារាចម្រៀងអ្នកនាង សួន ចន្ថា កន្លងមក ស្វាមីរបស់គាត់មានជំងឺទឹកនោមផ្អែម និងលើសឈាម។

តាមរយៈដំណឹងនេះដែរ គេឃើញមានអ្នកគាំទ្រ និងសិល្បករ-សិល្បការិនីខ្មែរមួយចំនួន បានសម្ដែងការអាណិតអាសូរ ព្រមទាំងជូនពរដល់ស្វាមីអ្នកនាង សួន ចន្ថា ឆាប់ជាសះស្បើយពីជំងឺផងដែរ៕

អត្ថបទ ៖ ចាន់រ៉ា