Lisa ជាប់លេខ៣ ជាស្រីស្អាតបំផុតលើលោក នៅលើគេហទំព័រអន្តរជាតិ

នៅថ្ងៃទី ២៨ ខែធ្នូ ឆ្នាំ២០២២ គេហទំព័រលំដាប់ពិភពលោក TC CANDLER បានចេញផ្សាយបញ្ជីស្រ្តីមានមុខមាត់ស្អាតបំផុតទាំង ១០០ របស់ពិភពលោក ដែលក្នុងចំណោមនោះ Lisa សមាជិក Blcakpink ជាប់នៅលំដាប់ទី៣។

គេហទំព័រ TC CANDLER តែងតែបោះពុម្ពបញ្ជីចំណាត់ថ្នាក់កំពូលស្រីស្អាត ជារៀងរាល់ឆ្នាំ ដែលចំណាត់ថ្នាក់នេះធ្វើឡើងដោយអ្នកវិភាគឯករាជ្យ តាំងពីឆ្នាំ១៩៩០ មកម្ល៉េះ។ ប៉ុន្មានឆ្នាំថ្មីៗនេះ TC CANDLER កាន់តែទទួលការចាប់អារម្មណ៍លើប្រព័ន្ធផ្សព្វផ្សាយសង្គម រហូតមានប្រិយមិត្តតាមដានជាង ១២ពាន់លាននាក់ និងអ្នក View រាប់រយលានជារៀងរាល់ថ្ងៃ។ រីឯតារាស្រីដែលជាប់ចំណាត់ថ្នាក់កំពូលនៅលើគេហទំព័រនេះ សុទ្ធតែត្រូវបានទទួលស្គាល់ជាអន្តរជាតិ និងទូលំទូលាយជាសកល។

ដោយឡែកចំពោះឆ្នាំ​នេះ​ ចំណាត់ថ្នាក់លេខ​១ ​​របស់គេហទំព័រ TC CANDLER បានទៅ​តារា​ម៉ូដែល​អាមេរិក Jasmine Tookes។ ចំណាត់ថ្នាក់លេខ២ បានទៅលើកូនកាត់កូរ៉េ-អាមេរិក គឺតារាចម្រៀង និងសម្ដែង Nancy Jewel Mcdonie។

ចំណែក Lalisa Manoban សមាជិកក្រុម BlackPink បានជាប់នៅចំណាត់ថ្នាក់លេខ៣ នៅក្នុងចំណោមស្រីស្អាតបំផុតទាំង ១០០ ប្រចាំឆ្នាំ២០២២នេះ៕

ប្រែសម្រួល៖ សន្យា

ចុចអាន៖ បើមិនក្លាយជាតារាចម្រៀងទេ Lisa នឹងចាប់អាជីពមួយនេះ

ចុចអាន៖ កាបូប ៦ម៉ូដែល លក់ដាច់អស់គ្មានសល់ ក្រោយ Lisa ថតបង្ហោះមិនប៉ុន្មានម៉ោង