ជីវិតកម្សាន្ដ
តារាស្រីជើងចាស់អ្នកស្រី សូ សាវឿន ចេញពីប្រភពណា មុនក្លាយជាតារាចម្រៀងសម័យ?
អ្នកស្រី សូ សាវឿន ជាតារាចម្រៀងជើងចាស់ល្បីឈ្មោះមួយរូបតាំងពីជំនាន់លោក ស៊ីន ស៊ីសាមុតមក។ អ្នកស្រីមានបទចម្រៀងល្បីៗជាច្រើនបទ ដូចជាបទស្ពានកំពង់ហ្លួង បទលលកវាយំ បទស្នេហាក្នុងពេលរាត្រីជាដើម។ តើតារាចម្រៀងរូបនេះមានប្រភពចេញពីណា មុនពេលក្លាយជាតារាចម្រៀងសម័យ?

អ្នកស្រី សូ សាវឿន កើតនៅថ្ងៃទី១ ខែមិថុនា ឆ្នាំ១៩៤៥ នៅឃុំបឹងងោង ស្រុកគងពិសី ខេត្តកំពង់ស្ពឺ។ ឪពុកឈ្មោះសូ ប៉ុក អតីតទាហានជំនាន់ខ្មែរឥស្សរៈ និងម្ដាយឈ្មោះ តាត វិល។ អ្នកស្រីមានបងប្អូនបង្កើតតែ២នាក់ប៉ុណ្ណោះ។
ដោយមានឪពុកធំស្នាក់នៅដំណាក់លោក ឃុន តាក ដែលជាថៅកែល្ខោនបាសាក់នោះ អ្នកស្រី សូ សាវឿន បានចាកចេញពីស្រុកកំណើតទៅរស់នៅទីនោះដែរ។ អ្នកស្រីបានចូលជាសមាជិកក្រុមល្ខោនបាសាក់ផ្សារស៊ីឡឹប នៅរាជធានីភ្នំពេញ។

លោក កែវ ឯម ជាតន្ត្រីករ និងជាអ្នកសម្រួលតន្ត្រីមានឈ្មោះល្បីមួយរូប បានពេញចិត្តចំពោះទឹកដមសំឡេងរបស់អ្នកស្រី សូ សាវឿន ហើយលោកក៏ជួយបង្ហាត់បង្រៀនបណ្តុះបណ្តាលផ្នែកសិល្បៈចម្រៀងសម័យដល់អ្នកស្រី។ ដោយមានទឹកដមសំឡេងល្អពីធម្មជាតិអ្នកស្រីបានប្រែក្លាយជីវិតសិល្បៈពីវង់ល្ខោនបាសាក់ទៅជាអ្នកចម្រៀងសម័យ។
អ្នកស្រី សូ សាវឿន បានឱកាសចូលរួមនៅក្នុងក្រុមតន្ត្រីយោធាភិរម្យ។ នៅក្នុងក្រុមតន្ត្រីនេះស្រករគ្នានឹងអ្នកស្រី សាវឿន មានអ្នកម្នាងសៀង ឌី, អ្នកស្រីឈួន ម៉ាឡៃ, អ្នកស្រីឈុន វណ្ណា និងអ្នកស្រី ម៉ៅ សារ៉េត។
ក្នុងជីវិតជាតារាចម្រៀងសម័យអ្នកស្រី សូ សាវឿន មានប្រជាប្រិយភាពប្រហាក់ប្រហែលអ្នកចម្រៀងផ្សេងៗនាជំនាន់ជាមួយគ្នានោះដែរ។

បទចម្រៀងពេញនិយមរបស់អ្នកស្រី សូ សាវឿន មានដូចជា បទស្ពានកំពង់ហ្លួង, ឱ្យផ្កាយលើមេឃ, ឱដើមគគីរ, ម្លប់ដូង, បងអើយស្តាប់ផ្គរ, សារ៉ាវ៉ាន់ស្លៀកខ្យល់, លលកវាយំ, ស្នេហាក្នុងពេលរាត្រី, គេលេងភ្លេងហើយ, វាលវែងឆ្ងាយ, សុវិទ្យា, អ្នកបម្រើតាមយន្តហោះ, ក្លិនស្នេហ៍, ល្ងាចអូនទៅដល់, ជូនអូនទៅម៉ែ, ទឹកលិចភូមិអូន, រាត្រីរាំវង់, ផ្កាក្រវាន់ព្រៃ, និងបទចម្រៀងជាច្រើនទៀត៕

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ