ខួបកំណើតឆ្នាំនេះ Rosé ត្រូវអ្នកគាំទ្រប្រារព្ធពិធីឱ្យពេលកំពុងសម្ដែងលើឆាកនៅ ​អារ៉ាប់រួម

កំលុងប្រគំតន្ត្រីទេសចរណ៍ពិភពលោក “BORN PINK” នៅទីក្រុង អាប៊ូដាប៊ី ប្រទេសអេមីរ៉ាតអារ៉ាប់រួម តារាចម្រៀង Rosé សមាជិកក្រុម BLACKPINK ត្រូវបានសមាជិក និងអ្នកគាំទ្រ Surprise ខួបមុនថ្ងៃកំណើត នៅលើឆាកយ៉ាងរំភើប។

តាមពិតខួបកំណើតរបស់ Rosé គឺចំថ្ងៃទី១១ ខែកុម្ភៈ ឯណោះទេ​ ប៉ុន្តែពេលកំពុងសម្ដែង នៅឯទីក្រុង អាប៊ូដាប៊ី កាលពីម្សិលមិញនេះ BLINKs បានទិញនំខេកជូននាងយ៉ាងពិសេស ដើម្បីប្រារព្ធខួបកំណើតឱ្យជាមុន ហើយពួកគេរាប់ពាន់នាក់ដែលនៅក្នុងការប្រគំតន្ត្រីផ្ទាល់បាននាំគ្នាច្រៀងជូនពរនាងយ៉ាងកងរំពង។

BLINKs ដែលនៅឯទីក្រុង អាប៊ូដាប៊ី មានការរំភើបជាខ្លាំងក្នុងការប្រារព្ធខួបកំណើតឱ្យ Rosé ដោយពួកគេបានធ្វើឱ្យនាងភ្ញាក់ផ្អើលជាមួយនឹងនំខេកបីជាន់ដ៏ស្រស់ស្អាត ដែលវាត្រូវបានជួយតុបតែងដោយសមាជិកទាំង៣។ ក្នុងពេលជាមួយគ្នានោះ Rosé ក៏បានបង្ហាញក្ដីរំភើបរបស់នាងទៅកាន់អ្នកគាំទ្រអារ៉ាប់រួមផងដែរ ដោយនាងបានថ្លែងអំណរគុណពួកគេយ៉ាងកក់ក្ដៅ៕

ប្រែសម្រួល៖ សន្យា

ចុចអាន៖ Jennie រងពាក្យរិះគន់កប់មាត់ថា ជាមនុស្សខ្វះសុជីវធម៌