មហាជនសម្ដែងការមិនពេញចិត្តចំពោះភាពល្បីល្បាញរបស់ Du Meizhu ថាតោង Kris Wu ល្បី

កញ្ញា Du Meizhu ដែលអះអាងថាជាជនរងគ្រោះរបស់កំពូលតារាចិនលោក Kris Wu ថ្មីៗនេះនាងកំពុងទទួលបានឱកាសការងារជាច្រើនបណ្ដាលឲ្យមហាជនមិនពេញចិត្តជាខ្លាំង ជាពិសេសពីសំណាក់អ្នកគាំទ្រលោក Kris ។

តារាស្រីទើបនឹងរះវ័យ ២០ ឆ្នាំ Du Meizhu កំពុងត្រៀមខ្លួនធ្វើជាតួឯកស្រីក្នុងរឿង “Detective Girl” ឆាប់ៗនេះដោយមានលោក Li Yichen ជាតួឯកប្រុស ។ ដំណឹងតួអង្គឯករបស់នាងទទួលបានផ្លែផ្កាជាច្រើនពីអ្នកលេងបណ្ដាញសង្គមអ៉ីនធឺណែតដូចជា “តួប្រុសមានលក្ខណៈស្រដៀង Kris តើនាងជាអ្នករើសគាត់មកសម្ដែងមែនទេ?” ។

ទន្ទឹមនឹងការរិះគន់ពីមហាជន អតីតមិត្តល្អ Meizhu អ្នកនាង Li En ក៏បានចូលរួមទម្លាយរឿងអាស្រូវដូចគ្នាដែរថា Meizhu ជាមនុស្សស្រីបម្រើសេវាកម្មផ្លូវភេទសម្ងាត់ នាងធ្លាប់បោកប្រាស់លុយអតិថិជនដោយមិនបំពេញការងារ និងយល់ខោទ្រនាប់របស់ខ្លួនទៅលក់ទៀតផង ។

យ៉ាងណាមិញ Meizhu មិនធ្វើការឆ្លើយតបចំពោះការចោទប្រកាន់ពី Li En សោះឡើយ ទោះបីជា Li En មានភស្តុតាងច្រើនប៉ុណ្ណាក៏នាងមិនខ្វាយខ្វល់ដែរ ៕

ប្រែសម្រួល ៖ វារី

ចុចអាន ៖ Kris Wu នឹងត្រូវចាក់សារធាតុគីមីទប់ស្កាត់ចំណង់ផ្លូវភេទ ក្រោយចេញពីពន្ធនាគារ ១៣ ឆ្នាំ