ជីវិតកម្សាន្ដ

Lee Seung Gi អាចតាមភរិយា ប្ដូរពីគ្រិស្តមកកាន់ព្រះពុទ្ធសាសនា ក្រោយរៀបការ?

បានផុស

៣ years មុន

នៅ

ថ្ងៃសុក្រ ១០ កុម្ភៈ ២០២៣

ដោយ

បន្ទាប់ពីដំណឹងរៀបការរបស់ Lee Seung Gi បានក្លាយជាបញ្ហាដែលមនុស្សជាច្រើនកំពុងតែតាមដានយ៉ាងខ្លាំងក្លា ខណៈកាលពីពេលថ្មីៗនេះ មានពាក្យចចាមអារ៉ាមជាច្រើនបានផ្សព្វផ្សាយនៅលើបណ្តាញសង្គមថា លោកអាចនឹងសម្រេចចិត្តផ្លាស់ប្ដូរសាសនាពីគ្រិស្ត មកកាន់ព្រះពុទ្ធសាសនាតាមគ្រួសារអនាគតភរិយាវិញឬអត់។

យ៉ាងណាមិញមកពេលនេះ អ្នកគាំទ្រជាច្រើនបានកត់សម្គាល់ឃើញថា Kyun Mi Ri ដែលជាម្ដាយបង្កើតរបស់មិត្តស្រីរបស់លោកគឺ Lee Da In គឺជាពុទ្ធសាសនិកម្នាក់ក្នុងចំណោមអ្នកគោរពព្រះពុទ្ធសាសនាបំផុតនៅក្នុងប្រទេសកូរ៉េខាងត្បូង។ ដំណឹងនេះបានធ្វើឲ្យកាន់តែមានការភ្ញាក់ផ្អើល បន្ទាប់ពីមានការបង្ហាញថា Lee Seung Gi បានចូលរួមក្នុងពិធីប្រគល់ពានរង្វាន់សម្ដែងកាលពីខែមករា ដោយកោរសក់ថ្មី បង្កឲ្យមានការសង្ស័យថា តារាប្រុសល្បីរូបនេះបានប្ដូរសាសនារួចទៅហើយ។ លើសពីនេះ Lee Seung Gi តែងតែទៅវត្តជាមួយមិត្តស្រីនិងម្តាយក្មេក ក៏បានប្រគេនខ្សែដៃអង្កាំជាទីស្រឡាញ់ដល់តារាស្រីរូបនេះ ដែលគេស្គាល់ថាជានិមិត្តរូបនៃជំនឿរបស់នាងក្នុងព្រះពុទ្ធសាសនា។

រហូតមកដល់ពេលនេះ Lee Seung Gi ពន្យល់ថា គាត់បានកោរសក់សម្រាប់តួនាទីជាព្រះសង្ឃនៅក្នុងគម្រោងបន្ទាប់របស់គាត់ ហើយមិនបានប្តូរទៅជាព្រះពុទ្ធសាសនាទេ។ ប៉ុន្តែនៅតែជាគ្រិស្តសាសនាដដែល។ Lee Seung Gi និង Lee Da In ជឿថាជំនឿផ្សេងគ្នារបស់ពួកគេ នឹងមិនរារាំងដល់សេចក្តីស្រឡាញ់ចំពោះគ្នានោះទេ ហើយទំនាក់ទំនងរបស់ពួកគេក៏មិនប៉ះពាល់ដល់ជំនឿដែរ៕