ជីវិតកម្សាន្ដ

នី មុន្នីនាថ រន្ធត់ចិត្តខ្លាំង ក្រោយទទួលដំណឹងអគ្គិភ័យឆេះព្រះរាជដំណាក់ខេត្តសៀមរាប

បានផុស

២ នាទី មុន

នៅ

ថ្ងៃចន្ទ ១៣ មីនា ២០២៣

ដោយ

តារាសម្ដែងស្រីសម្បូរទឹកភ្នែកតែងក្ដាប់បានតំណែងតួឯកស្ទើរគ្រប់រឿងកញ្ញា នី មុន្នីនាថ បង្ហាញក្ដីរន្ធត់ខ្លាំង បន្ទាប់ពីឃើញព័ត៌មាន នៃការឆាបឆេះព្រះរាជដំណាក់ខេត្តសៀមរាប កាលពីយប់ថ្ងៃទី ១២ ខែមីនា ឆ្នាំ ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្ដែងកញ្ញា នី មុន្នីនាថ បានរៀបរាប់ឲ្យដឹងថា នាងពិតជាមានក្ដីក្ដុកក្ដួល និងរន្ធត់ចិត្តខ្លាំងជាទីបំផុត នៅពេលដែលមានដំណឹងថា ព្រះរាជដំណាក់នៅក្នុងខេត្តសៀមរាប ត្រូវបានអគ្គិភ័យឆាបឆេះកាលពីយប់មិញ។ នាងក៏បានបង្ហាញការសោកស្ដាយជាពន់ពេកចំពោះហេតុការណ៍ខាងលើនេះផងដែរ។

កញ្ញា នី មុន្នីនាថ បានលើកឡើងថា ទូលព្រះបង្គំពិតជាមានសេចក្ដីរន្ធត់ និងសោកស្ដាយពន់ពេក ដោយបានទទួលដំណឹងអំពីអគ្គិភ័យដែលបានឆាបឆេះព្រះរាជដំណាក់ខេត្តសៀមរាប កាលពីយប់ថ្ងៃទី ១២ ខែមីនា ឆ្នាំ ២០២៣ នេះ។ គិតត្រឹមព្រឹកនេះ ស្ថានការណ៍ នៃអគ្គិភ័យនេះត្រូវបានគ្រប់គ្រងយ៉ាងពេញលេញហើយ។

សូមរំលឹកផងដែរថា កាលពីវេលាម៉ោងប្រមាណជា ១០ និង ៥ នាទីយប់ ថ្ងៃទី ១២ ខែមីនា ឆ្នាំ ២០២៣ មានករណីអគ្គិភ័យបានឆាបឆេះនូវអគារមួយ នៃព្រះរាជដំណាក់សៀមរាប ជាកន្លែងជាទីសក្ការដ៏ខ្ពង់ខ្ពស់បំផុត។ ពាក់ព័ន្ធនឹងករណីនេះដែរ សមត្ថកិច្ចនៅមិនទាន់បញ្ជាក់ពីមូលហេតុ នៃការឆាបឆេះ និងការខូចខាតក្នុងករណីគ្រោះអគ្គិភ័យឆាបឆេះព្រះរាជដំណាក់ នៃខេត្តសៀមរាប នៅឡើយទេ៕

អត្ថបទ ៖ ចាន់រ៉ា