Nick Cannon ចង់មានកូនទី ១៣ ជាមួយ Taylor Swift

ពិធីករទូរទស្សន៍អាមេរិកលោក Nick Cannon ចង់មានកូនទី ១៣ ជាមួយ Taylor Swift ដែលជាតារាចម្រៀងលំដាប់ពិភពលោកទើបតែបែកសង្សារមិនទាន់បានមួយសប្ដាហ៍ផង ។

លោក Nick ពិធីករកម្មវិធី Masked Singer បានឆ្លើយសំណួរលោក Howard Sternda ដែលសួរពីគម្រោងពង្រីកគ្រួសារថាខ្លួនត្រៀមខ្លួនរួចរាល់បើម្ដាយនោះជា Taylor Swift ។ 

យ៉ាងណាមិញតារាប៉ុប Taylor Swift ទើបតែបែកមិត្តប្រុស ៦ ឆ្នាំគឺលោក Joe Alwyn ថ្មីៗនេះធ្វើឲ្យលោក Nick ត្រេកអរក្រៃលែង ។ ទន្ទឹមនេះ Nick និយាយថា “នាងគឺជាអ្នកនិពន្ធចម្រៀងដ៏អស្ចារ្យ អ្វីដែលធ្វើឲ្យខ្ញុំស្រលាញ់ Taylor Swift គឺនាងមានតម្លៃនិងបើកចិត្តទូលាយជាមួយចម្រៀងរបស់នាងទាំងអស់” លោកបន្ថែមទៀតថា Taylor មានប្រវត្តិស្នេហាស្រដៀងទៅនឹងខ្លួនទៀតផង ។

ជាក់ស្ដែង Nick Cannon មានកូនដល់ទៅ ១២ នាក់ជាមួយស្ត្រី ៦ នាក់ខុសៗគ្នា ហើយកូនពៅរបស់គាត់ឈ្មោះ Halo ទើបតែកើតកាលពីខែធ្នូ ឆ្នាំ ២០២២ ប៉ុណ្ណោះ ៕

ប្រែសម្រួល ៖ វារី

ចុចអាន ៖ Taylor Swift ប្រេះឆាជាមួយមិត្តប្រុស ក្រោយទាក់ទងគ្នា៦ ឆ្នាំ