Taylor Swift ប្រេះឆាជាមួយមិត្តប្រុស ក្រោយទាក់ទងគ្នា៦ ឆ្នាំ

យោងទៅតាមការចុះផ្សាយ Page Six បានរាយការណ៍កាលពីថ្ងៃទី ៨ ខែមេសាថា Taylor Swift និង Joe Alwyn បានបែកបាក់គ្នាបន្ទាប់ពីទាក់ទងគ្នាប្រហែល 6 ឆ្នាំ។ អ្នកទាំងពីរបានស្គាល់គ្នាតាំងពីឆ្នាំ ២០១៦ មកម្ល៉េះ បន្ទាប់ពីតារាចម្រៀងរូបនេះ បញ្ចប់ទំនាក់ទំនងស្នេហាជាមួយតារាសម្ដែង Tom Hiddleston។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបង្ហើបឱ្យដឹងថា ទំនាក់ទំនងរវាង Taylor និង Joe បានប្រេះឆាប្រហែលប៉ុន្មានសប្តាហ៍មុន ទោះបីជាយ៉ាងណា អ្នកទាំងពីរបានចែកផ្លូវគ្នាដោយសន្តិវិធីដោយមិនមានជម្លោះអ្វីឡើយ។ ក្នុងអំឡុងការប្រគំតន្ត្រីរបស់ Taylor ថ្មីៗនេះ អ្នកគាំទ្របានឃើញថា Joe Alwyn មិនមកគាំទ្រមិត្តស្រីរបស់គាត់ដូចមុនឡើយ។

ដំណឹងដែលថា Taylor Swift បែកគ្នាជាមួយមិត្តប្រុសក្រោយរួមរស់ជាមួយគ្នា ៦ ឆ្នាំធ្វើឲ្យអ្នកគាំទ្រ ភ្ញាក់ផ្អើលព្រោះ Joe Alwyn គឺជាស្នេហាយូរបំផុតរបស់តារាចម្រៀងស្រីរូបនេះ។ មានពាក្យចចាមអារ៉ាមថាអ្នកទាំងពីរបានភ្ជាប់ពាក្យហើយនឹងរៀបការជាផ្លូវការបន្ទាប់ពីកម្មវិធី The Eras Tour។

យ៉ាងណាមិញ ទំនាក់ទំនងរបស់ពួកគេបានចាប់ផ្តើមនៅក្នុងឆ្នាំ ២០១៦ ។ មិត្តប្រុសរបស់ Taylor គឺជាតារាសម្តែងម្នាក់ដែលមានអាយុតិចជាងនាង ២ ឆ្នាំ។ អ្នកទាំងពីរព្យាយាមរក្សាជីវិតឯកជនពីប្រព័ន្ធផ្សព្វផ្សាយ និងអ្នកគាំទ្រ។ ទន្ទឹមនឹងនោះ តំណាងអ្នកទាំងពីរមិនទាន់ធ្វើអត្ថាធិប្បាយ ជុំវិញព័ត៌មាននេះនៅឡើយទេ ៕

ប្រែសម្រួល៖នាងតូច

ចុចអាន៖ផលិតករភាពយន្ត “You Have Done Well” បដិសេធរឿង IU ស៊ីថ្លៃខ្លួនខ្ទង់លានដុល្លារ