ធ្លាយរូបភាពរបស់ Rosé ផ្ទុះការសង្ស័យថា នាងប្រើប្រាស់គ្រឿងញៀន

បន្ទាប់ពីរូបថតរបស់ Rosé សមាជិក BLACKPINK នៅក្នុងពិធីជប់លៀងអាហារមួយត្រូវបានផ្សព្វផ្សាយមានការប៉ាន់ស្មាននិងផ្ទុះការសង្ស័យថា នាងប្រើប្រាស់គ្រឿងញៀន និងពាក្យចចាមអារ៉ាមណាត់ជួបជាមួយតារាសម្តែង Kang Dong Won ។

កាលពីថ្ងៃទី ១១ ខែមេសា អតីតប្រធានផ្នែកច្នៃម៉ូដរបស់ម៉ាកយីហោ Burberry លោក Riccardo Tisci បានបង្ហោះរូបថតនៅលើ Instagram ផ្ទាល់ខ្លួនរបស់លោក។ រូបថតបង្ហាញពីការជួបជុំគ្នានៅឯគេហដ្ឋានរបស់អ្នករចនាម៉ូដ Eve Chow ហើយមាន Rosé សមាជិក BLACKPINK និងតារាសម្តែង Kang Dong Won អង្គុយនៅតុជាមួយគ្នា ។

ជាលទ្ធផល ពាក្យចចាមអារ៉ាមស្នេហារបស់តារាទាំងពីរ បានសាយភាយពេញបណ្តាញទំនាក់ទំនងសង្គម ប៉ុន្តែត្រូវបានអ្នកគាំទ្របដិសេធភ្លាមៗ ពួកគេនិយាយថាអាហារពេលល្ងាចអាចជាការជួបជុំគ្នារវាងដៃគូ។ ទោះជាយ៉ាងណាក៏ដោយ មានអ្នកនិយមលែងអ៊ីនធឺណេតមួយចំនួនប្រទះឃើញរបរដែលស្រដៀងនឹងឧបករណ៍ប្រើប្រាស់គ្រឿងញៀននៅលើតុអាហាររបស់ពួកគេ ដូច្នោះមានការផ្ទុះសង្ស័យថា អ្នកទាំងពីរប្រើប្រាស់គ្រឿងញៀន ។

រហូតមកដល់ពេលនេះ Riccardo Tisci បានលុបរូបភាពដ៏ចម្រូងចម្រាសចេញពី Instagram របស់លោក ទន្ទឹមនឹងនេះ ភ្នាក់ងាររបស់ Rosé និង Kang Dong Won នៅតែរក្សាភាពស្ងៀមស្ងាត់ចំពោះរបស់រឿងទាក់ទងរបស់ពួកគេ។ ស្របពេលជាមួយគ្នា អ្នកគាំទ្រ Rosé ស្នើឱ្យខាងផលិកម្ម YG បកស្រាយពីស្ថានភាព និងការពារសិល្បកររបស់ពួកគេពីពាក្យចចាមអារ៉ាមអាក្រក់ដែលអាចកើតមាន ៕

ប្រែសម្រួល៖នាងតូច

ចុចអាន៖ J-Hope សមាជិក BTS នឹងចុះឈ្មោះចូលបម្រើការងារកងទ័ពនៅសប្តាហ៍ក្រោយ