Connect with us

ជីវិតកម្សាន្ដ

តារាស្រី វៀតណាម ប្រាប់ថា នាងស្រលាញ់គ្នាដោយស្មោះ ហើយមិនចង់បានមរតកពីស្វាមីសេដ្ឋីសូម្បីតែបន្តិច

បានផុស

នៅ

រឿង​ស្នេហា​របស់តារាស្រី Co Ngan និង​មិត្ត​ប្រុស​សញ្ជាតិ​អាមេរិកតែង​តែ​ទទួល​បាន​ការ​ចាប់​អារម្មណ៍​ខ្លាំង​ពី​សំណាក់​មហាជនវៀតណាម បន្ទាប់ពីកាលពីគូស្នេហ៍នេះបានប្រកាស​ដំណឹងល្អកាលពីឆ្នាំ ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ ជីវិតរបស់តារាស្រី influencer វ័យ២៩ឆ្នាំនិងមហាសេដ្ឋីអាមេរិក Wynn Katz អាយុ ៧៥ ឆ្នាំ តែងតែត្រូវបានអ្នកលេង​អ៊ីនធឺណិត​លើកមកជជែកគ្នាពាសពេញបណ្ដាញសង្គម ខណៈអ្នកខ្លះបានចោតសួរនាងថា​ Co Ngan រៀបការជាមួយមហាសេដ្ឋីដើម្បីតែទ្រព្យសម្បត្តិ​ប៉ុណ្ណោះ។

បច្ចុប្បន្ន Co Ngan កំពុង​រស់នៅ​លោកខាងលិច​ជាមួយ​មិត្ត​ប្រុស​នៅក្នុង​វីឡា​ដែលមាន​ការ​យាមកាម​យ៉ាង​តឹងរ៉ឹង។ ទោះជាកន្លែងទាំងមូលមិនបានថតពេញលេញក៏ដោយ ប៉ុន្តែ​ការ​លាតត្រដាងប៉ុន្មានជ្រុង​គឺគ្រប់គ្រាន់សម្រាប់អ្នកនិយមលេងអ៊ីនធឺណេត​យល់​ពីភាពសម្បូរបែប និង​ទ្រព្យសម្បត្តិ​ដ៏​ធំ​សម្បើម​របស់​មិត្តប្រុស​មហាសេដ្ឋីរបស់នាងផងដែរ។

ដូច្នេះហើយ​ នៅ​លើ​បណ្ដាញ​សង្គម អ្នក​និយម​លេង​អ៊ីនធឺណិត​ក៏​សួរ​សំណួរ​ជាច្រើន​អំពី​ជីវិត​អនាគត​របស់ Co Ngan ។ ជាពិសេសជាមួយនឹងចម្ងល់អំពីមរតកនៃទ្រព្យសម្បត្តិរបស់មិត្តប្រុស​ ខណៈតារាម៉ូដែលស្រីរូបនេះ មាន​ចម្លើយ​ដែលធ្វើឲ្យមជ្ឈដ្ឋានអនឡាញកោតកោតសរសើរនាងយ៉ាងខ្លាំង។

នាង Co Ngan បាននិយាយថា នាងមិនគិតពីមរតកទេ កាលពីមុនរហូតមកដល់​ពេល​នេះ នាងជាមនុស្សឯករាជ្យ និងគ្រប់គ្រាន់ដោយខ្លួនឯង អ្វីដែលជា​កម្មសិទ្ធិ​របស់នាង គឺច្បាស់ជារបស់នាង ហើយអ្នកផ្សេង​ទៀតមិន​ខ្វល់​ទេ ព្រោះមិនមែនជារបស់នាង “ខ្ញុំបានគិតថាទ្រព្យសម្បត្តិមិនមែន​ជាកម្មសិទ្ធិរបស់ខ្ញុំទេ ដូច្នេះខ្ញុំនឹងមិនពឹងផ្អែកលើអ្នកដ៏ទៃ ហើយព្យាយាមបន្ថែមទៀត”។

មិនត្រឹមតែប៉ុណ្ណោះ Co Ngan ក៏បានលើកឧទាហរណ៍ជាក់លាក់មួយ ដើម្បីការពារទស្សនៈផ្ទាល់ខ្លួន​ថា ” ខណៈ​ដែល​ខ្ញុំ​មិន​ទាន់​បាន​ឲ្យ​ឪពុក​ម្តាយ ឬ​សាច់​ញាតិ​របស់​ខ្ញុំ​នៅ​ឡើយ ស្រាប់តែ​មាន​មនុស្ស​ម្នាក់​ឆ្លង​កាត់​ជីវិត​ខ្ញុំ ដោយ​ទាមទារ​យក​ទ្រព្យ​សម្បត្តិ ដោយ​មិន​ដឹង​ថា​អ្នក​នោះ​នឹង​ទៅ​ជាមួយ​ខ្ញុំ​ដល់​ពេល​ណា។ ឧទាហរណ៍ថា បើអ្នកមានលុយរាប់សិបលានដុល្លារ មិត្តប្រុសថ្មីរបស់អ្នកនឹងសុំចំណែករបស់អ្នក ខ្ញុំគិតថាអ្នកឆ្លាតល្មមដឹងថាតើត្រូវជួបមិត្តនោះឬអត់”។

បន្ថែមពីនេះ តារាស្រីវ័យ ២៩ឆ្នាំ​ Co Ngan​ ក៏បន្ថែមទៀតថា ជីវិតមានការផ្លាស់ប្តូរ​ច្រើន មិនដឹងថាថ្ងៃមុខនឹងទៅជាយ៉ាងណានោះទេ បើមានរោគរាតត្បាតស្លាប់រាប់លាន​នាក់ លុយច្រើនគ្មានន័យអ្វីឡើយ។ដោយនាងបានលើកជាឧទាហរណ៍ថា “ក្នុងភាពយន្តប្រមាញ់កំណប់ មាសមិនមែនជារបស់គេទេ អ្នកខ្លះខំឱបវាឲ្យអស់ពីលទ្ធភាព ប៉ុន្តែចុងក្រោយបែរជាត្រូវថ្មបាក់សង្កត់ស្លាប់ ឬធ្លាក់ចូលសមុទ្រស្លាប់ទៅវិញ។ មនុស្ស​មាន​ពាក្យ​ថា​លោភលន់​ជ្រៅពេក”៕

ប្រែសម្រួល៖ សាង ស្រីល័ក្ខ

ចុចអាន៖Lisa វៀតណាម ត្រូវគេថាឲ្យចំៗរឿងយកតម្រាប់តាមក្រុម BLACKPINK ពេក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៦ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៦ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៧ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៧ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម