ជីវិតកម្សាន្ដ
ណុប បាយ៉ារិទ្ធ ជំរុញទឹកចិត្តក្មេងៗជំនាន់ក្រោយ ត្រូវចេះស្រលាញ់ ឲ្យតម្លៃ និងថែរក្សាវប្បធម៌ខ្មែរ
ក្នុងនាមតារាចម្រៀងរៀមច្បងមានឈ្មោះល្បីនៅក្នុងវិស័យសិល្បៈយូរឆ្នាំ លោក ណុប បាយ៉ារិទ្ធ បានចេញមកបំផុស ក៏ដូចជាជំរុញទឹកចិត្តដល់ក្មេងៗជំនាន់ក្រោយ ត្រូវចេះស្រលាញ់ ឲ្យតម្លៃ និង ចេះថែរក្សាវប្បធម៌ខ្មែរឲ្យបានគង់វង្សតទៅមុខទៀត។
![](https://www.kampucheathmey.com/wp-content/uploads/2023/05/FB_IMG_1684981271562-576x1024.jpg)
ជាក់ស្ដែងលោក ណុប បាយ៉ារិទ្ធ បានធ្វើការបង្ហោះរូបភាព ១ សន្លឹក បង្ហាញពីក្មេងប្រុសម្នាក់ សម្ដែងបានយ៉ាងល្អក្នុងតួអង្គហនុមាន ដោយភ្ជាប់ខ្លឹមសារថា «សិល្បៈ ពិតជាដើរតួយ៉ាងសំខាន់នៅក្នុងសង្គមខ្មែរតាំងពីយូរលង់ណាស់មកហើយ ហើយនឹងត្រូវបានបន្តថែរក្សាការពារពីមួយជំនាន់ទៅមួយជំនាន់ ដោយការចងក្រង ថែរក្សា បង្ហាត់បង្រៀនដោយលោកគ្រូ អ្នកគ្រូសាស្ត្រាចារ្យ ពីមួយជំនាន់បន្តទៅមួយជំនាន់»។
![](https://www.kampucheathmey.com/wp-content/uploads/2023/05/FB_IMG_1684981251608.jpg)
លោក ណុប បាយ៉ារិទ្ធ បានបញ្ជាក់ថា «ដូច្នេះក្នុងនាមជាប្រជាជនខ្មែរមួយរូប ខ្ញុំសូមចូលរួមចំណែកជំរុញទឹកចិត្តដល់ក្មេងៗ ជំនាន់ក្រោយ ត្រូវចេះស្រលាញ់ ឲ្យតម្លៃ និងចេះថែរក្សាវប្បធម៌ខ្មែរយើងឲ្យបានគង់វង្សតទៅមុខទៀត។ បើយើងជាម្ចាស់យើងមិនស្រលាញ់ យើងមិនថែរក្សាការពារ ថែរក្សា និងអភិរក្សនោះ គ្មានជាតិសាសន៍ណាផ្សេងមកស្រលាញ់ មកជួយថែរក្សាជួសយើងឡើយ»។
![](https://www.kampucheathmey.com/wp-content/uploads/2023/05/FB_IMG_1684981234111.jpg)
លោកបន្តថា «ខ្ញុំបានមើល Facebook ឃើញដោយចៃដន្យពីការផុសនៅរូបភាពក្មួយប្រុសម្នាក់នេះ សម្ដែងបានយ៉ាងល្អក្នុងតួអង្គហនុមាន កាយវិការ ទឹកមុខ ក្បាច់រាំ ក្មួយធ្វើបានល្អ សក្ដិសម ហាក់ដូចជាទទួលបាននៅការហ្វឹកហាត់ដិតដល់ពីមុនមកអ៊ីចឹង។ ជាមួយនឹងទឹកមុខស្នាមញញឹមរបស់ពុកម៉ែបងប្អូនដែលសម្លឹងមកពីក្រោយ ហាក់បង្ហាញនៅការសាទរស្ងើចសរសើរ និងហាក់ពេញចិត្តចំពោះទេពកោសល្យរបស់ក្មួយប្រុសម្នាក់នេះជាខ្លាំង»។
![](https://www.kampucheathmey.com/wp-content/uploads/2023/05/FB_IMG_1684981244435.jpg)
លោក ណុប បាយ៉ារិទ្ធ និយាយទៀតថា លោកសង្ឃឹមជឿជាក់ថា លោកគ្រូ អ្នកគ្រូ សាស្ត្រាចារ្យសិល្បៈនៅខេត្តសៀមរាប លោកនឹងជួយបណ្ដុះបណ្ដាលបង្វឹកក្មួយប្រុសម្នាក់នេះឲ្យកាន់តែរីកចម្រើន លូតលាស់នូវទេពកោសល្យរបស់គាត់ ឲ្យកាន់តែពូកែថែមទៀត។ ប្រសិនក្មេងប្រុសរូបនេះ បានហ្វឹកហាត់ដិតដល់តាំងពីតូចបែបនេះ ទម្រាំដល់ពេលចម្រើនវ័យពេញរូបពេញរាង ប្រាកដជាក្លាយទៅជាធនធានសិល្បៈផ្នែករបាំដ៏ពេញដោយសមត្ថភាពពិតប្រាកដ។ នោះហើយដែលបង្ហាញពីទំពាំងជំនាន់ក្រោយដ៏មានគុណភាព សក្ដិសមជាអ្នកបន្តវេនសិល្បៈវប្បធម៌មរតកដូនតាខ្មែរនៅថ្ងៃខាងមុខ៕
អត្ថបទ ៖ ចាន់រ៉ា
![](https://www.kampucheathmey.com/wp-content/uploads/2023/05/FB_IMG_1684981241763.jpg)
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ