ក្រុមហ៊ុនភាពយន្ត ជប៉ុន ចំនួន ២ គ្រោងសហការគ្នាផលិតរឿងតុក្កតា Suicide Squad Isekai

នៅថ្ងៃទី០៤ ខែកក្កដា ឆ្នាំ ២០២៣ ផលិតកម្ម Warner Bros Japan និង WIT Studio ប្រកាសសហការគ្នាផលិតរឿងតុក្កតា Suicide Squad Isekai ខណៈកាលបរិច្ឆេទចាក់ផ្សាយខាងផលិតកម្មមិនទាន់ទម្លាយនៅឡើយទេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Suicide Squad គឺជាភាពយន្តផ្ដុំដោយតួអង្គចិត្តអាក្រក់ពីក្រុមហ៊ុន DC និង Comics Universe ចំណែកឯពាក្យ “Isekai” បានមកពីភាសាជប៉ុនមានន័យថា “ភពផ្សេងទៀត” ។ ដូច្នេះរឿងតុក្កតា Suicide Squad Isekai ទំនងជានាំតួអង្គចិត្តអាក្រក់ទាំងអស់ទៅកាន់ភពថ្មី ដែលពួកគេមានវេទមន្តរៀងៗខ្លួនដើម្បីប្រយុទ្ធគ្នា ។

ដោយឡែកក្នុង Trailer ឬឈុតខ្លីៗ យើងឃើញថា មានតួអង្គសំខាន់ៗចំនួន ២ គឺ Harley Quinn និង Joker ចេញអុកឡុកទីក្រុង Gotham បន្ទាប់មក Harley Quinn បានឆ្លងភពចូលទៅកាន់កន្លែងដែលមានសត្វនាគ និងសត្វម្យ៉ាងទៀតស្រដៀវប្រជៀវជាដើម ។

គួរបញ្ជាក់ថា ភាពយន្ត Suicide Squad Isekai ដឹកនាំដោយកញ្ញា Eri Osada ហើយក្នុងរឿងនោះ ក្រុមហ៊ុន DC អនុញ្ញាតឲ្យតួអង្គពួកគេចេះប្រើវេទមន្តទៀតផងដែរ សូម្បីតែតួអង្គ Joker ៕

សូមទស្សនាវីដេអូ!

ប្រែសម្រួល៖ វារី

ប្រភព៖ CNA

ចុចអាន៖ រឿងរ៉ាវ ៥ យ៉ាង ពីគំនូរជីវចលជប៉ុន “ឈីងចាំង”