គំនូរជីវចលឈីងចាំងទទួលបានការគាំទ្រជាខ្លាំងពីសំណាក់អ្នកគាំទ្រមកពីជុំវិញពិភពលោក ។ ប៉ុន្តែទស្សនិកជនភាគច្រើនរវល់តែសើចសប្បាយនឹងសាច់រឿងមិនសូវដឹងពីរឿងរ៉ាវ ៥យ៉ាង ខាងក្រោមនេះទេ ៖

១. អ្នកបង្កើតឈីងចាំង

ឈីងចាំងមានឈ្មោះមកពីភាសាជប៉ុន Shin-Chan ផលិតឡើងដោយលោក Yoshito Usui ជនជាតិជប៉ុន ហើយបានបង្ហាញខ្លួនជាលើកដំបូងនៅក្នុងទស្សនាវដ្តីប្រចាំសប្តាហ៍របស់ប្រទេសជប៉ុនគឺ Weekly Manga Action បោះពុម្ពដោយ Futabasha ។

២. ថ្ងៃកំណើតឈីងចាំង

ឆ្នាំ ១៩៩០ គឺជាឆ្នាំដែលឈីងចាំងធ្វើការបង្ហាញខ្លួនលើកដំបូងនៅក្នុងពិភពសៀវភៅត្លុក និងរះម្ដងទៀតនារដូវក្តៅឆ្នាំ ២០១០ ដោយប្ដូរដាក់ឈ្មោះថា Crayon Shin-Chan ថ្មី ។

៣. ថ្ងៃបញ្ចប់របស់ឈីងចាំង

ពឹងពាក់លើលោក Yoshito Usui ទើបឈីងចាំងអាចមានវត្តមានមកដល់សព្វថ្ងៃនេះ ។ ជាអកុសល លោក Yoshito ក៏ធ្លាក់ពីលើភ្នំ Arafune ហើយបាត់បង់ជីវិតនៅថ្ងៃទី១១ ខែកញ្ញា ឆ្នាំ ២០០៩ ។ យ៉ាងណាក្ដី តុក្កតាឈីងចាំងនៅតែមានជីវិតបន្តទៅមុខដើម្បីអ្នកគាំទ្រ ។

៤. រឿងរ៉ាវនៅពីក្រោយតុក្កតាឈីងចាំង

យោងទៅតាមពាក្យចចាមអារ៉ាមបានឲ្យដឹងថា ឈីងចាំងមានឈ្មោះពិត Shinnosuke Nohara អាយុ ៥ឆ្នាំ ដែលបាត់បង់ជីវិតដោយសារឡានបុកពេលទៅជួយសង្គ្រោះប្អូនស្រី ។ ក្រៅពីនេះ លោក Yoshito ធ្លាប់បង្ហើបថា ជាតុក្កតាតំណាងឲ្យខ្លួនលោកផ្ទាល់កាលពីកុមារភាព លោកធ្លាប់ជាក្មេងរពិស និងក្បាលរឹងតែម្ដង ។

៥. ប្រាក់ចំណូល

បើគិតពីប្រាក់ចំណូលសរុបវិញគឺរាប់សិបលានដុល្លារឯណោះ ប៉ុន្តែតួរលេខពិតប្រាកដក្នុងបញ្ជី The Number គេបង្ហាញតែ ៥វគ្គ ប៉ុណ្ណោះរួមមាន ៖

_ Kureyon Shinchan: Shūrai! Uchūjin Shiriri (២០១៧) រកបាន ១៥,២២៧,៦១២ដុល្លារ

_ Crayon Shin-chan: My Moving Story (២០១៦) រកបាន ១,២២២,៨២០ដុល្លារ

_ Crayon Shin-chan Arashi wo Yobu Ougon no Spy Daisakusen (២០១១) រកបាន ១២,៨០១,៣៤៥ដុល្លារ

_ Crayon Shin-chan 16 (២០០៩) រកបាន ១០,៥៣៦,៩៨៧ដុល្លារ

_  Kureyon Shinchan: Arashi o Yobu: Utau Ketsudake Bakudan! (២០០៦) រកបាន ១១,៧៧៧,១៧១ដុល្លារ ។

សូមបញ្ជាក់ដែរថា រឿងរ៉ាវពីក្រោយគំនូរជីវចលឈីងចាំងខាងលើនេះ មិនទាន់មានការបញ្ជាក់ជាផ្លូវការថាជាការពិតនៅឡើយទេ គ្រាន់តែជាពាក្យចចាមអារ៉ាមដែលចែករំលែកពីសំណាក់អ្នកគាំទ្រប៉ុណ្ណោះ ៕

ប្រែសម្រួលដោយ ៖ វារី

ចុចអាន ៖ រឿងតុក្កតាឆ្កែ Courage មានប្រភពមកពីរឿងពិតគួរឲ្យខ្លាចនៅញូវម៉ិចស៉ិចកូ