ជីវិតកម្សាន្ដ

ស្អាតប្លែក ! រចនា រ៉ាវាឌី ពេលគ្រងឈុតបែបនេះធ្វើឲ្យមហាជនស្ទើរមើលមិនស្គាល់

បានផុស

៥ years មុន

នៅ

ថ្ងៃសៅរ៍ ៣០ មករា ២០២១

ដោយ

ភ្នំពេញ ៖ បង្ហាញខ្លួននៅក្នុងពិធីមង្គលការរបស់មិត្ត ភក្តិកាលពីថ្មីៗនេះតារាសម្តែងវ័ងក្មេងមានមន្តស្នេហ៍កញ្ញា រចនា រ៉ាវាឌី បានធ្វើឲ្យមហាជនចាប់អារម្មណ៍ខ្លាំងជាមួយការលេងនូវឈុតសម្លៀកបំពាក់យ៉ាងស្រស់ស្អាតដែលអ្នកគាំទ្រភាគច្រើនមើលសឹងមិនស្គាល់ថា ជារូបនាងឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកបើចាប់អារម្មណ៍មកមើលលើរូបថត១ សម្លឹកដែលបង្ហាញនូវភាពទាក់ទាញកាន់តែខ្លាំង និងត្រូវទទួលបានការសរសើរទៀតនោះ គឺខណៈ ដែល រ៉ាវាឌី បានឈរបង្អួតសម្រស់ថតជាមួយនារីដែលជាមិត្តភក្តិស្រស់ស្អាត២នាក់ផ្សេងទៀតអមដោយសម្លៀកបំពាក់ចម្រុះពណ៌ប្លែកៗពីគ្នាបង្ហាញឲ្យឃើញនូវភាពសិចស៊ីស្រស់ស្អាតផងដែរ។

តាមរយៈរូបភាពភាពនេះ កំពុងតែទទួលបានការចាប់អារម្មណ៍ច្រើនពីសំណាក់អ្នកប្រើប្រាស់នៅលើបណ្តាញសង្គមហ្វេសប៊ុក។ មិនតែប៉ុណ្ណោះក៏មានការលើកឡើងថា ចំពោះរូបថត១សន្លឹកដែលថតគ្នា៣នាក់នោះពិតជាមានសម្រស់ស្អាតមិនចាញ់គ្នាឡើយ។

សូមបញ្ជាក់ដែរថា រចនា រ៉ាវាឌី ក្រោយហក់ចូលក្នុងវិស័យសិល្បៈនៃផ្នែកសម្តែងមិនបានប៉ុន្មានឆ្នាំផងនាងក៏ទទួលបានការគាំទ្រនិងសាងកេរ្តិ៍ឈ្មោះច្រើនគួរ សមលើអាជីពមួយនេះ។ ជាការពិតណាស់បច្ចុប្បន្ន រ៉ាវាឌី ក៏កាន់តែលេចធ្លោខ្លាំងថែមទៀត ដោយភាគច្រើននៃសាច់រឿងដែលនាងបានសម្តែងសុទ្ធសឹងតែតួកម្សត់ទឹកភ្នែកនិងក្តោបបានតំណែងតួឯកជាដើម៕

ដោយ ៖ ចាន់រ៉ា