ជីវិតកម្សាន្ដ
តារាសម្តែង រចនា រ៉ាវាឌី អំពាវនាវឲ្យមហាជន និងអ្នកគាំទ្រចូលរួមបរិច្ចាគឈាម
ដើម្បីរួមចំណែកជួយសង្គ្រោះជីវិតប្រជាពលរដ្ឋ និងអ្នកជំងឺ ដែលកំពុងត្រូវការឈាមជាចាំបាច់នោះ តារាសម្តែងស្រីកញ្ញា រចនា រ៉ាវាឌី បានអំពាវនាវ ក៏ដូចជាបំផុសដល់មហាជន និងអ្នកគាំទ្រចូលរួមបរិច្ចាគឈាម ឲ្យបានគ្រប់ៗគ្នា។
តាមការកត់សម្គាល់តារាសម្តែង រចនា រ៉ាវាឌី កន្លងមក នាងតែងតែបង្ហាញសកម្មភាពសប្បុរសធម៌ជាបន្តបន្ទាប់ ដើម្បីចូលរួមចំណែកជួយដល់សង្គម។ សកម្មភាពសប្បុរសធម៌ទាំងនោះ មានដូចជាការជួយដល់កុមារខ្វះខាត នៅតំបន់ដាច់ស្រយាល ជាពិសេសថ្មីៗនេះ នាឱកាសថ្ងៃខួបកំណើតរបស់ខ្លួន រចនា រ៉ាវាឌី បានចរិច្ចាគថវិកាថវិកាផ្ទាល់ខ្លួនមួយចំនួន ជូនដល់មន្ទីរពេទ្យគន្ធបុប្ផាផងដែរ។
បន្ទាប់ពីការងារសប្បុរសធម៌ទាំងនោះ កំពុងទទួលបានការគាំទ្រពីសំណាក់មហាជនស្រាប់តែថ្មីៗនេះកញ្ញា រចនា រ៉ាវាឌី បានចេញមកបំផុសគំនិតមហាជន ក៏ដូចអ្នកគាំទ្រឲ្យចូលរួមបរិច្ចាគឈាមជួយដល់សង្គម។ តារាសម្តែង រចនា រ៉ាវាឌី បានលើកឡើងថា «តោះបងប្អូនចូលរួមបរិច្ចាគឈាមទាំងអស់គ្នានៅថ្ងៃទី ១០ ខែកញ្ញា ឆ្នាំ ២០២២ ក្រោមប្រធានបទ«ផ្តល់ឈាមផ្តល់ក្តីស្រលាញ់ និងជួយអាយុជីវិតមនុ ស្ស» ។
ទង្វើនេះ ត្រូវបានអ្នកប្រើប្រាស់បណ្តាញសង្គមហ្វេសប៊ុក ចាត់ទុកថាជាសកម្មភាពមនុស្សធម៌ដ៏គំរូល្អមួយ ក្នុងការងារចូលរួមចំណែកជួយដល់សង្គម។ តាមរយៈនេះ នាងក៏ត្រូវបានអ្នកនិយមលេងបណ្តាញសង្គមហ្វេសប៊ុកជាច្រើន ដាក់ក្តីរំពឹងថា រ៉ាវាឌី នឹងបន្តធ្វើសកម្មភាពមនុស្សធម៌បន្ថែមទៀត ដើម្បីក្លាយជាតារាគំរូល្អដល់តារាប្រុស-ស្រីដទៃទៀត ដែលគួរតែឆ្លៀតឱកាស ឬពេលវេលាផ្ទាល់ខ្លួនរួមចំណែកការងារសង្គមនេះ ផងដែរ៕
អត្ថបទ៖ ចាន់រ៉ា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?