ជីវិតកម្សាន្ដ

តួឯកប្រុសរឿង “បុព្វេសន្និវាស” ថា វិឡាស្គឹមស្គៃដែលកំពុងសង់ សុទ្ធតែជាកម្លាំងញើសឈាមខ្លួន

បានផុស

៣ years មុន

នៅ

ថ្ងៃព្រហស្បតិ៍ ៧ កញ្ញា ២០២៣

ដោយ

តារាសម្ដែងប្រុសដ៏មានសមត្ថភាព Pope Thanawat បានទម្លាយរូបភាពគ្រោងឆ្អឹងវិឡាស្គឹមស្គៃ ដែលសាងសង់សម្រាប់គ្រួសារ ខណៈលោកបញ្ជាក់ថា វាសុទ្ធតែជាកម្លាំងញើសឈាម និងការខិតខំប្រឹងប្រែងកន្លងមកតែប៉ុណ្ណោះ។

យ៉ាងណាមិញ សម្រាប់តារាប្រុសរូបនេះមហាជនកម្រឃើញលោកបង្ហោះព័ត៌មានថ្មីៗអំពីរបៀបរស់នៅផ្ទាល់ខ្លួនណាស់។ ស្របពេលដែលនាម្សិលមិញនេះ Pope Thanawat បានបញ្ចេញរូបភាពស្រស់សង្ហារបស់លោក ទៅសម្រាកលំហែកាយនៅមាត់សមុទ្រមួយសន្លឹក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ថែមពីលើរបៀបរស់នៅគួរឲ្យចាប់អារម្មណ៍ រាល់កិច្ចសម្ភាសន៍ជាមួយ Pope ក៏ធ្វើឲ្យអ្នកគាំទ្រញញឹមដោយក្តីរីករាយផងដែរ។ បើយើងត្រលប់ទៅពេលដែលលោកបង្ហាញខ្លួនក្នុងកម្មវិធី Today Show នៅប៉ុស្តិ៍លេខ៣ ហើយនិយាយអំពីគ្រួសាររបស់លោកមានម្តាយ និងបងស្រីបង្កើត។ លោកបានបញ្ជាក់ទាំងញញឹមថា លោកស្និទ្ធនឹងគ្រួសារខ្លាំងណាស់។ លោកថា រាល់ការលើកទឹកចិត្តពីការងាររបស់លោក គឺបានមកពីម្តាយ និងបងស្រីសឹងទាំងអស់។

តួឯកប្រុសក្នុងរឿង “បុព្វេសន្និវាស” និយាយយ៉ាងដូច្នោះថា “ម៉ាក់ផ្តល់ការលើកទឹកចិត្តដល់ខ្ញុំក្នុងគ្រប់យ៉ាង មិនថាខ្ញុំធ្វើអ្វីនោះទេ។ ជីវិតក្នុងវិស័យសិល្បៈមានការឡើងចុះ ម៉ាក់ខ្ញុំថា មិនថាមានរឿងអ្វីទេ គាត់នឹងមើលថែកូនជានិច្ច។ ហើយតាំងពីចូលក្នុងវិស័យសិល្បៈមក ម៉ាក់របស់ខ្ញុំបានមើលគ្រប់រឿងដែលបានសម្ដែងកន្លងមក”។

លើសពីនេះ Pope Thanawat បាននិយាយអំពីការសង់ផ្ទះជូនម្តាយនិងបងស្រីនៅលើដី នៅតំបន់ Ram Inthra ផងដែរ ដែលផ្ទះនេះ លោកបានប្រើប្រាស់ចំណេះដឹង និងជំនាញដែលធ្លាប់បានរៀន យកទៅរចនាផ្ទះនេះដោយខ្លួនឯង។ បច្ចុប្បន្នវិឡាមួយនេះកំពុងតែសាងសង់ជិត៦០ភាគរយហើយ វាជាផ្ទះមួយដែលមិនសូវធំទូលាយខ្លាំង តែបង្កើតឡើងសម្រាប់អ្នករាល់គ្នាក្នុងគ្រួសារលោក៕