ជីវិតកម្សាន្ដ

G-Devith ចង់វិលរកអាជីពចាស់វិញខណៈរៀមច្បង២រូបប្រជែងទីផ្សាររ៉េប

បានផុស

៣ years មុន

នៅ

ថ្ងៃពុធ ៣ កុម្ភៈ ២០២១

ដោយ

តារាចម្រៀងរ៉េបនិងត្រូវជាសិស្សប្អូនរួមអាជីពសិល្បៈលោក ងួន ចាន់ដេវីត ឬ G-Devith បានធ្វើឲ្យមហាជនចាប់អារម្មណ៍ជាថ្មីក្រោយពេលដែលប្រកាសចង់វិលទៅរកអាជីពចាស់ដូចដើមវិញ។

ការប្រកាសរបស់តារាចម្រៀង G-Devith នេះបានធ្វើមហាជនកើតជាចម្ងល់គ្រប់គ្នាខណៈសុខៗស្រាប់តែតារាវ័យក្មេងរូបនេះបែរជាចង់វិលទៅរកអាជីពចាស់ក្រោយពេលល្បីឈ្មោះនៅវិថីសិល្បៈច្រើនឆ្នាំមកនោះ។ ប៉ុន្តែ ខ្លះទៀតក៏យល់ឃើញថាការលើកឡើងនេះប្រហែលលោកគ្រាន់តែនិយាយលេងប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក G-Devith បាននិយាយភ្ជាប់នឹងសំណេរខ្លីថា ហួសសម័យ + GANG GANG = ខ្ញុំបកទៅរកស៊ីបញ្ចូលភ្លេងទូរស័ព្ទវិញ។តារារ៉េប G-Devith គេនៅចាំថា មុនក្លាយជាតារាចម្រៀងល្បីឈ្មោះគឺលោកជាអ្នកបញ្ចូលភ្លេងទូរស័ព្ទយ៉ាងសាមញ្ញម្នាក់ តែដោយសារមានឱកាសទើបក្លាយជាអ្នកចម្រៀងដែលទទួលបានការគាំទ្រច្រើនផងដែរ។

សូមបញ្ជាក់ថា ការលើកឡើងរបស់G-Devithនេះបានធ្វើក្រោយពេលរៀមច្បងព្រាប សុវត្ថិ ចេញបទ GANG GANGដែលនិពន្ធបទភ្លេងនិងទំនុកច្រៀងដោយកូនប្រុសលោកគឺសុវត្ថិ សិរីវុឌ្ឍ ខណៈលោក ខេមរៈ សិរីមន្ត ចេញបទ ហួសសម័យ ដែលជាទឹកដៃនិពន្ធរបស់លោក ខេមរៈ ភារុន ត្រូវជាបងប្រុសបង្កើតលោកផងដែរ៕

អត្ថបទ ៖ ចាន់រ៉ា