ជីវិតកម្សាន្ដ

G-Devith និង ទេព បូព្រឹក្ស ទទួលបានការអញ្ជើញផ្ទាល់ពី Tommy Hilfiger នៅសហរដ្ឋអាមេរិក ដើម្បីចូលរួមកម្មវិធី Fashion Show នាទីក្រុង New York

បានផុស

១ year មុន

នៅ

ថ្ងៃសៅរ៍ ១០ កុម្ភៈ ២០២៤

ដោយ

កាលពីយប់ថ្ងៃទី ០៩ ខែកុម្ភៈ ឆ្នាំ ២០២៤ នៅទីក្រុង New York ក្រុមហ៊ុនលក់សំលៀកបំពាក់ដ៏ល្បីរបស់ប្រទេសអាមេរិក Tommy Hilfiger បានរៀបចំកម្មវិធី Tommy Hilfiger Fall-Winter ‘24 Runway Show មួយដ៏ធំ ហើយក៏មានវត្តមានពីតារាល្បីៗ ទូទាំងពិភពលោក មកចូលរួមដូចជា lee-Junho (ពីក្រុម 2PM), NAYEON (ពីក្រុម TWICE) មកពីប្រទេសកូរ៉េ និង PHUWIN, NARAVIT និង WIN METAWIN មកពីប្រទេសថៃជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក G-Devith និង ទេព បូព្រឹក្ស ជាតារាតំណាងរបស់ Tommy Hilfiger ពីប្រទេសកម្ពុជា ចូលរួម Tommy Hilfiger Fall-Winter ‘24 Runway Show នៅទីក្រុង New York ប្រទេសអាមេរិក ជាមួយនឹងតារាល្បីៗ ពិភពលោក ជាច្រើនរូបទៀត។

វត្តមានរបស់តារារ៉េបដ៏ល្បី G-Devith និង ទេព បូព្រឹក្ស នៅក្នុងកម្មវិធី Tommy Hilfiger Fall-Winter ‘24 Runway Show នេះ គឺជាការអញ្ជើញរបស់ Tommy Hilfiger ប្រចាំនៅប្រទេសអាមេរិក ដោយផ្ទាល់តែម្ដង។

Tommy Hilfiger គឺជាប្រ៊េនលក់សំលៀកបំពាក់ដ៏ល្បីរបស់ប្រទេសអាមេរិក ដែលមានលក់នៅប្រទេសជាច្រើនទូទាំងពិភពលោក ដូចជា ប្រទេសកូរ៉េ ថៃ ខ្មែរ ជប៉ុន វៀតណាម អូស្ត្រាលី និង ហុងកុងជាដើម៕