ប៉ូលិសកំពុងពិនិត្យមើល ការចោទប្រកាន់ផ្លូវភេទប្រឆាំងនឹងតារាអង់គ្លេស Russell Brand

កាលពីថ្ងៃច័ន្ទ ទី២៥ ខែកញ្ញា ប៉ូលិសបានបញ្ជាក់ថា ពួកគេកំពុងពិនិត្យមើល “ការចោទប្រកាន់មួយចំនួននៃបទល្មើសផ្លូវភេទ” ប្រឆាំងនឹងតារាសម្ដែងអង់គ្លេស Russell Brand ទាំងនៅទីក្រុងឡុងដ៍ និងទូទាំងប្រទេស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិសបាន​ឲ្យដឹងថា ពួកគេទទួលបាន​របាយការណ៍​ពី​ស្ត្រី​ម្នាក់ដែលរងការរំលោភបំពានផ្លូវភេទនៅ Soho កណ្តាលទី​ក្រុង​ឡុងដ៍កាលពី​ឆ្នាំ ២០០៣ ឯណោះ ។ ដូច្នេះក្រៅពីស្ត្រី ៤ នាក់ដែលបានចោទប្រកាន់លោក Brand ពីបទរំលោភបំពានផ្លូវភេទ ឥលូវមានស្ត្រី​ទី​ ៥ អះអាងបន្ថែមថា តារាសម្ដែងខាងលើបានបង្ហាញប្រដាប់ភេទឲ្យនាងមើលទៀតផង ។

ពាក់ព័ន្ធនឹងរឿងអាស្រូវនេះ លោក Brand បានច្រានចោលការចោទប្រកាន់ទាំងអស់នៅក្នុងវីដេអូមួយដោយនិយាយថា គ្រប់ទំនាក់ទំនងសុទ្ធតែមានការព្រមព្រៀងគ្នា ។

យ៉ាងណាមិញ លោក Andy Furphy អគ្គនាយកស៊ើបអង្កេតដែលកាន់រឿងក្ដីនេះ នៅតែលើកទឹកចិត្តឲ្យជនរងគ្រោះគ្រប់គ្នាមកដាក់ពាក្យបណ្ដឹង មិនថារឿងកើតឡើងយូរប៉ុណ្ណាក៏ដោយ ៕

ប្រែសម្រួល៖ វារី

ប្រភព៖​ NBC

ចុចអាន៖ បែកធ្លាយ អតីតស្វាមី Katy Perry ធ្លាប់រំលោភស្ត្រីក្រោយការលែងលះត្រឹម ៥ ខែប៉ុណ្ណោះ

ចុចអាន៖ YouTube ផ្អាកដាក់ពាណិជ្ជកម្មលើវីដេអូរបស់ Russell Brands ក្រោយរឿងអាស្រូវរំលោភបំពាន