ជីវិតកម្សាន្ដ

តារាភាពយន្តជើងចាស់ ច័ន្ទ តារាទី បង្ហាញតម្រុយចង់បញ្ចប់អាជីពសិល្បៈខំសាងឡើងជាង ៤០ឆ្នាំ

បានផុស

២ years មុន

នៅ

ថ្ងៃពុធ ៦ ធ្នូ ២០២៣

ដោយ

តារាសម្ដែងជើងចាស់ល្បីឈ្មោះអ្នកស្រី ច័ន្ទ តារាទី បានធ្វើឲ្យទស្សនិកជន និងអ្នកគាំទ្រភ្ញាក់ផ្អើលគ្រប់គ្នា ខណៈថ្មីៗនេះអ្នកស្រីបានប្រកាសហាក់បង្ហាញតម្រុយចង់ឈប់ពីអាជីពសិល្បៈដែលខំសាងប្រជាប្រិយភាព មានរយៈពេលជាង ៤០ឆ្នាំកន្លងមកនេះ។

ជាការពិតណាស់អ្នកស្រី ច័ន្ទ តារាទី គឺតារាសម្តែងភាពយន្តជើងចាស់ល្បីឈ្មោះ និង មានភាពលេចធ្លោ ខ្លាំងលើវិថីសិល្បៈនាអំឡុងក្នុងទសវត្សរ៍ឆ្នាំ ៨០ និង៩០ រួមជំនាន់ជាមួយតារាសម្តែងលោក ទេព រិន្ទដារ៉ូ ដែលជាដៃគូសម្ដែងដ៏ស័ក្ដិសមបំផុតនាសម័យនោះ។ គិតរហូតមកទល់បច្ចុប្បន្ននេះសម្រាប់តារាសម្ដែងជើងចាស់ ច័ន្ទ តារាទី បានប្រឡូកក្នុងវិស័យសិល្បៈមានរយៈពេលជាង ៤៣ឆ្នាំហើយ ខណៈទីផ្សារសម្ដែងនៅតែរក្សាបានការគាំទ្រខ្ពស់មិនមានការចុះថមថយឡើយ។

ដោយឡែកអ្វីដែលមហាជនចាប់អារម្មណ៍ស្រាប់តែថ្មីៗមុននេះ តារាសម្តែងអ្នកស្រីច័ន្ទ តារាទី បានបញ្ចេញរូបភាពប្រមាន ៣ឬ ៤សន្លឹក ភ្ជាប់ខ្លឹមសារថា “ប្រើជីវិតជាមួយសិល្បៈ អស់រយៈពេលជាង ៤៣ឆ្នាំ ចុងក្រោយក៏វិលត្រលប់មកស្រុកកំណើតវិញ ប្រើជីវិតជាកសិករដូចដើម “។

យ៉ាងណាមិញគេក៏មិនទាន់ដឹងច្បាស់នៅឡើយទេ ថាតើតារាជើងចាស់រូបនេះពិតជាមានបំណងចង់បញ្ចប់អាជីពសិល្បៈ ឬគ្រាន់តែជាការនិយាយលេងនោះទេ? ។ ប៉ុន្តែក៏មានលើកឡើងដែរថាអ្នកស្រី ច័ន្ទ តារាទី អាចជាការនិយាយលេងតែប៉ុណ្ណោះ ព្រោះបច្ចុប្បន្នអាជីព និងទីផ្សាសិល្បៈរបស់អ្នកស្រីនៅតែរក្សាបានការគាំទ្រច្រើនពីទស្សនិកជនព្រមទាំងបណ្តាផលិតករផងដែរ៕

អត្ថបទ៖ ចាន់រ៉ា