ជីវិតកម្សាន្ដ

ជួបព្យុះជីវិតរាប់លែងអស់ Ice វិលមកអាជីពចាស់ប្រកបដោយកម្លាំងចិត្តធំជាងមុន

បានផុស

២ years មុន

នៅ

ថ្ងៃពុធ ១៧ មករា ២០២៤

ដោយ

ដូចដែលទស្សនិកជននិយមតាមដានតារាថៃប្រាកដជាដឹងស្រាប់ហើយថា កាលពីឆ្នាំមុននាង Ice Preechaya បានយំសស្រាកលើឆាក បង្ហាញពីអារម្មណ៍ទុក្ខសោកធ្ងន់យោលអាណិតជីវិតខ្លួននាងដែលរងនូវព្យុះភ្លៀងឥតស្រាកស្រាន្ត អស់ពីមួយរឿងចូលមួយទៀត។

ទោះយ៉ាងនេះក្ដី ថ្វីបើនាងជួបបញ្ហារាប់មិនអស់ក៏ពិតមែន ប៉ុន្តែកន្លងមក Ice ធ្លាប់ផ្ដល់បទសម្ភាសន៍ជាមួយអ្នកម្ដាយថា នាងនឹងនៅតែតស៊ូរហូតដល់ទីបញ្ចប់។ ជាក់ស្ដែង នៅថ្ងៃទី១៧ ខែមករា នេះ តារាសម្ដែងស្រីពេញដោយសមត្ថភាពនិងទេពកោសល្យមកទាំងព្រម បានប្រកាសលើគណនីផ្ទាល់ខ្លួនថា នាងវិលមកកាន់អាជីពសិល្បៈវិញ ហើយកាន់តែស្រស់ ថ្លា ពេញដោយឋាមពលធំជាងមុនទ្វេរដង។

តាមរយៈគណនី IG របស់នាងផ្ទាល់បានបង្ហោះរូបខ្លួនឯងដោយមិនភ្លេចចោលផ្ញើស្នាមញញឹមនៃសុភមង្គល ជាមួយនឹងចំណងជើងថា “ខ្ញុំពិតជាត្រលប់មកវិញហើយ! ឃើញខ្លួនឯងទេ ស្រលាញ់ខ្លួនឯងទេ? ពេលខ្លះសុភមង្គល មិនមែនជាលុយពីខាងក្រៅខ្លួនទេ។ ប៉ុន្តែវាជារឿងតូចតាចនៅជុំវិញយើង ប៉ុន្តែយើងគ្រប់គ្នាបែរមើលរំលង ហើយភ្លេចថា អ្វីគ្រប់យ៉ាងគ្រាន់តែអំណរពីខាងក្រៅប៉ុណ្ណោះ”។

យ៉ាងណាមិញ ជាសេចក្ដីសប្បាយរីករាយយ៉ាងក្រែលែងរបស់អ្នកគាំទ្រតួឯកស្រីល្បីឈ្មោះរឿង “I fine thank you love you” បន្ទាប់ពីទទួលដំណឹងថា អាយដលខ្លួននឹងវិលមកកាន់អាជីពសិល្បៈពោរពេញដោយឋាមពលលើសមុនទ្វរដង។ អ្វីដែលកាន់តែចាប់អារម្មណ៍ខ្លាំងនោះគឺ ការវិលមកកាន់វិថីចាស់ម្ដងនេះ Ice ហាក់ភ្លឺស្វាងខ្លាំង ព្រមទាំងរឹងមាំ រហូតទប់ទល់នឹងបញ្ហាកើតឡើងបានជាបន្តបន្ទាប់បានយ៉ាងត្រចង់។

សូមបញ្ចាក់ដែរថា កាលពីឆ្នាំ២០២៣ចាប់តាំងពីដើមឆ្នាំរហូតចុងឆ្នាំ តារាសម្ដែង Ice Preechaya បានរងនូវព្យុះជីវិតផ្ទួនៗគ្នារកពេលដកង្ហើមសឹងមិនបាន។ រឿងរ៉ាវរបស់នាងសុទ្ធតែជាបញ្ហាធំដុំរហូតឈានដល់ឡើងតុលាការទាក់ទងនឹងសារធាតុ Cyanide ខុសច្បាប់។ ក្រោយមកមិនទាន់បានប៉ុន្មានផង ឪពុករបស់នាងបែរជាធ្លាក់ខ្លួនឈឺធ្ងន់ ត្រូវបង្ខំចិត្តខំធ្វើការទាំងយប់ថ្ងៃ ដើម្បីរកប្រាក់មកព្យាបាលជំងឺអ្នកមានគុណ។

មិនត្រឹមប៉ុណ្ណឹងនោះទេ ក្នុងឆ្នាំ២០២៣ដដែល សង្សារដែលនាងស្រលាញ់ស្ទើលេប ត្រូវឆេះខុនដូរផ្ទួននឹងម្ដាយបង្កើតស្លាប់ ដោយមិនអាចធ្វើចិត្តបានទាំងសងខាង គូស្នេហ៍នេះបានសម្រេចចិត្តចែកផ្លូវគ្នាក្រោមហេតុផលថា ចង់រស់នៅឆ្ងាយពីគ្នារហូតមកដល់សព្វថ្ងៃនេះ៕