ជីវិតកម្សាន្ដ
សិល្បករខ្មែរ ២ ដួង មហាជនឃើញពីសមត្ថភាពស្នងអាយ៉ៃនឹងអាចបណ្តុះបណ្តាលយុវជនជំនាន់ក្រោយ
កន្លងមកគេកត់សម្គាល់ឃើញថា មានទស្សនិកជនខ្មែរជាច្រើនបានសម្ដែងក្តីព្រួយបារម្ភចំពោះការបាត់បង់សិល្បៈបុរាណផ្នែកចម្រៀងអាយ៉ៃកេរ្តិ៍ដូនតាខ្មែរបើគ្មានការចូលរួមថែរក្សា។ ក្នុងនោះក៏មានការស្នើឲ្យមានការចូលរួមអភរិក្ស និងលើកស្ទួយផ្នែកចម្រៀងអាយ៉ៃតាមរយៈការបង្កើតសាលាបង្ហាត់បង្រៀនយុវជនជំនាន់ក្រោយ។
![](https://www.kampucheathmey.com/wp-content/uploads/2024/03/FB_IMG_1709358620408.jpg)
ទន្ទឹមគ្នានេះដែរ ស្រាប់តែមានមតិ និងទស្សនៈអ្នកគាំទ្រមួយចំនួនបានមើលឃើញពីសមត្ថភាពរបស់តារាប្រុស-ស្រី ពហុជំនាញខ្មែរ ២ ដួង ដែលអាចស្នង និងបណ្ដុះបណ្ដាលជំនាញនេះដល់កូនខ្មែរជំនាន់ក្រោយកុំឲ្យបាត់បង់។ សិល្បករ-សិល្បការិនី ២ រូបនោះ គឺ លោក ដួង សុខគា និងតារាស្រី អ្នកនាង ខាត់ សុឃីម ។
តារាប្រុសពហុជំនាញលោក ដួង សុខគា កាលពីថ្មីៗនេះបានចេញមកបំផុសឲ្យមហាជនខ្មែរគួរចូលរួមគាំទ្រលើកស្ទួយនូវវិស័យសិល្បៈបុរាណខ្មែរ ផ្នែកចម្រៀងអាយ៉ៃដែលជាកេរ្តិ៍ដំណែលរបស់ដូនតាខ្មែរ បានបន្សល់ទុកឲ្យក្មេងៗជំនាន់ក្រោយកុំឲ្យមានការបាត់បង់ ។
![](https://www.kampucheathmey.com/wp-content/uploads/2024/03/29baa2eff0ec4914036cb7847a779b89b75323cd.jpg)
ត្រង់ចំណុងនេះលោក ដួង សុខគា បានលើកឡើងពាក្យស្លោកថា មនុស្សត្រូវការស្មារតី ជាតិលើលោកិយត្រូវការវប្បធម៌។ អំពៅខ្លឹមដើម ដំឡូងខ្លឹមមើម កញ្ឆែតខ្លឹមត្រួយ មនុស្សយោងសង្គម បារម្ភនឹកព្រួយ គិតស្ទើររលួយ ខ្លាចបាត់ព្រលឹង។
ចំណែកអ្នកនាង ខាត់ សុឃីម កន្លងមកបានដាក់ក្តីរំពឹងថាថ្ងៃណាមួយនាងនឹងអាចមានសមត្ថភាពបើកសាលាបណ្តុះបណ្តាល សាលាបង្រៀននូវឧបករណ៍ភ្លេងបុរាណខ្មែរដល់ក្មេងជំនាន់ក្រោយៗដែលជាអ្នកបន្តវេនអ្នកជំនាន់មុន។
![](https://www.kampucheathmey.com/wp-content/uploads/2024/03/dc2ac22ec55daf2b57b3009a8a6d56f8ca726a6d.jpg)
អ្នកនាង ខាត់ សុឃីម ក៏បានដាស់តឿនដល់យុវជនដែរថា ប្អូនៗជំនាន់ក្រោយគួរតែហាត់ភ្លេងចំរៀងបុរាណយ៉ាងហោចណាស់បាន ១ ឧបករណ៍ បណ្ដុះចិត្ដឲ្យស្រឡាញ់ រនាត គង ស្រឡៃ ខ្លុយ ស្គរ ទ្រ តាខេ ឃឹម ស្រឡាញ់ច្រៀង អាយ៉ៃ យីកេ ល្ខោន ចាប៉ី ឆៃយ៉ាំ កន្ត្រឹមជាដើម។
![](https://www.kampucheathmey.com/wp-content/uploads/2024/03/FB_IMG_1709358535521.jpg)
ប្រាកដណាស់អ្នកសិល្បៈជើងចាស់ ២ រូប ខាងលើនេះគេសង្កេតឃើញថា កន្លងមកពួកគេតែងចេញមុខព្រួយបារម្ភពាក់ព័ន្ធលើការបាត់បង់វិស័យសិល្បៈបុរាណមួយចំនួន។ លោក ដួង សុខគា និង ខាត់ សុឃីម ក៏ជាអ្នកសិល្បៈដែលមានជំនាញលេងសិល្បៈបានគ្រប់ទម្រង់ទាំងបុរាណ សម័យ កំប្លែង និងបទចម្រៀងភ្លេងការជាដើម។ ចំណុចទាំងអស់នេះហើយ ទើបត្រូវបានអ្នកគាំទ្រយល់ថា អ្នកទាំង ២ ជាបុគ្គលគំរូល្អសម្រាប់សង្គមពិសេសយុវជនខ្មែរផងដែរ៕
អត្ថបទ៖ ចាន់រ៉ា
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៤ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
កីឡា១ សប្តាហ៍ ago
លោក សួង បញ្ញា ប្រកាសឈប់ពីការបង្ហាត់គុនខ្មែរ និងការងារនៅទទក