ជីវិតកម្សាន្ដ

Han So Hee ជះកំហឹងដាក់មនុស្សម្នាក់ ក្នុងពិធីជប់លៀង Boucheron នៅប៉ារីស

បានផុស

២ years មុន

នៅ

ថ្ងៃចន្ទ ៤ មីនា ២០២៤

ដោយ

តារាសម្ដែង Han So Hee បានធ្វើដំណើរទៅកាន់ទីក្រុងប៉ារីស ប្រទេសបារាំង ដើម្បីចូលរួមម្មវិធី Paris Fashion Week ឆ្នាំ ២០២៤។ ក្នុងចំណោមសកម្មភាពរបស់នាងមានកម្មវិធីជប់លៀងពេលល្ងាចដែលរៀបចំដោយម៉ាកគ្រឿងអលង្ការប្រណិត Boucheron ដើម្បីប្រារព្ធខួបលើកទី ២០ របស់ខ្លួន នាងចូលរួមក្នុងនាមជាទូតសុឆ្ទៈពិភពលោក។

ទោះយ៉ាងណាក៏ដោយ វីដេអូឃ្លិបមួយបានកំពុងពេញនិយម ជាមួយនឹងការចូលមើលដល់ទៅ ១៣៨ពាន់ដង នៅពេលតារាសម្ដែអកូរ៉េខាងត្បូងរូបនេះបានស្រែកដាក់មនុស្សម្នាក់នៅផ្នែកម្ខាងទៀតឲ្យស្ងាត់ស្ងៀម។ ភាពមិនសប្បាយចិត្តរបស់ Han So Hee ត្រូវបានថតជាប់នៅលើកាមេរ៉ា ខណៈដែលនាងកំពុងថតរូប។

ក្នុងឃ្លិបដដែលនោះនាងបានស្រែកថា “សូមស្ងាត់ផង!” ទៅកាន់នរណាម្នាក់នៅខាងក្រៅកាមេរ៉ា មុនពេលទទួលបានភាពស្ងប់ស្ងាត់ឡើងវិញ និងញញឹមសម្រាប់អ្នកថតរូប។

ក្រោយមក អ្នកលេងអ៊ីនធឺណិតបានសន្និដ្ឋានថា ពិតជាមានអ្វីកើតឡើងក្នុងវីដេអូឃ្លិបទើបធ្វើឲ្យនាងជះកំហឹងដាក់បែបនេះ។ អ្នកខ្លះជឿថានាងកំពុងនិយាយទៅកាន់សារព័ត៌មានកូរ៉េ ឬហ្វូងអ្នកគាំទ្រកូរ៉េ ខណៈពេលដែលអ្នកផ្សេងទៀតផ្តល់បរិបទដោយពន្យល់ថា បុគ្គលមួយចំនួនបានបន្លំខ្លួនជាអ្នកសារព័ត៌មាន បន្លំចូលពិធីជប់លៀង និងបង្កើតការរំខាន រួមទាំងការបំបែកកញ្ចក់ ការស្រែកយំ និងអ្វីៗជាច្រើនទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ អ្នកគាំទ្រនៅតែការពារ Han So Hee ដោយពិចារណាលើស្ថានភាពជាក់ស្ដែង មនុស្សជាច្រើនបានសរសើរនាងពីការគ្រប់គ្រងក្នុងកាលៈទេសៈមិនស្រួល។ ជាពិសេសបើសិនជាអ្នកស្គាល់អត្តចរិតរបស់ Han So Hee ដែលនាងបញ្ចេញសំឡេងបែបនេះ ច្បាស់ជាមានបញ្ហាជាមួយអ្នកយកព័ត៌មាន ឬអ្នកណាផ្សេងទៀត៕

អត្ថបទ៖ សាង ស្រីល័ក្ខ

ចុចអាន៖លេចមុខ Lisa ទៅគាំទ្រ Taylor Swift ដល់សិង្ហបុរី

Related Topics:តារាកូរ៉េ ប្រទេសកូរ៉េខាងត្បូង Han So Hee

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា