ជីវិតកម្សាន្ដ

ស្ងាត់ៗ! លោកជំទាវ ស៊ន សៀវម៉ី រៀបចំពិធីសែនព្រេនជាមួយគូដណ្តឹង

បានផុស

៥ years មុន

នៅ

ថ្ងៃចន្ទ ២២ កុម្ភៈ ២០២១

ដោយ

លោកជំទាវ ស៊ន សៀវម៉ី ដែលជាម្ចាស់មេដាយមាសក្នុងព្រឹត្តិការណ៍ប្រកួតកីឡាប្រចាំទ្វីបអាស៊ី Asian Gamesកាលពីឆ្នាំ២០១៤ លើវិញ្ញាសាតេក្វាន់ដូវីរ នៅរសៀលថ្ងៃទី២២ ខែកុម្ភៈនេះថ្ងៃទី២២ នេះ បានរៀបចំពិធីសែនព្រេនជាមួយគូដណ្តឹងដោយសារស្ថានភាពកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមរំលឹកថា កាលពីថ្មីៗនេះ លោកជំទាវ ស៊ន សៀវម៉ី ត្រូវបានព្រះមហាក្សត្រត្រាស់បង្គាប់តែងតាំង និងផ្តល់ឋានៈដល់ ស៊ន សៀវម៉ី ជាជំនួយការសម្ដេច សាយ ឈុំ ប្រធានព្រឹទ្ធសភាក្នុងនីតិកាលទី៤ ដោយមិនទទួលបានប្រាក់បំណាច់មុខងារឡើយ។

ស្រាប់តែនារសៀលថ្ងៃទី២២ ខែកុម្ភៈនេះ លោកជំទាវ បានរៀបចំពិធីសែនព្រេន ជាមួយគូដណ្តឹងរបស់ខ្លួន ដោយពិធីសែនព្រេននេះ គឺជំនួសពិធីអាពាហ៍ពិពាហ៍ជាមួយគូដណ្តឹង កែវ ដេវីត ហើយត្រូវលើកទៅរៀបចំនៅចុងឆ្នាំវិញ ក៏ព្រោះតែស្ថានភាពកូវីដ-១៩។

សមាជិកក្នុងក្រុមជម្រើសជាតិកម្ពុជា ផ្នែកកីឡាតេក្វាន់ដូ WTF ជំទាវស៊ន សៀវម៉ី មានកម្ពស់ ១,៨៣ ម៉ែត្រ វ័យ២៥ឆ្នាំធ្លាប់បានសាងស្នាដៃជូនជាតិជាច្រើនដូចជា ឈ្នះមេដាយសំរឹទ្ធក្នុងព្រឹត្តិការណ៍កីឡាស៊ីហ្គេម ឆ្នាំ២០១១ ក្នុងប្រភេទទម្ងន់ចន្លោះ ៥៧-៦២ គីឡូក្រាម។ ចូលដល់ឆ្នាំ២០១៣ ឈ្នះមេដាយមាសនៅស៊ីហ្គេម នៅប្រទេសមីយ៉ាន់ម៉ា ក្នុងប្រភេទទម្ងន់ចន្លោះ ៦៧-៧៣ គីឡូក្រាម។ នៅឆ្នាំ ២០១៤ ឈ្នះមេដាយមាស Asian Games នៅទីក្រុងអ៊ីនឈ័នប្រទេសកូរ៉េខាងត្បូង ក្នុងប្រភេទទម្ងន់ ៧៣-៨៧ គីឡូក្រាម។ នៅឆ្នាំ២០១៧ ឈ្នះមេដាយមាស ស៊ីហ្គេម នៅប្រទេស ម៉ាឡេស៊ី ទីក្រុងកូឡាឡាំពួរ ក្នុងប្រភេទទម្ងន់ចន្លោះ ៦៧-៧៣ គីឡូក្រាម។ ចុងក្រោយឆ្នាំ២០១៩ ឈ្នះមេដាយមាស ស៊ីហ្គេម នៅប្រទេសនៅប្រទេស ហ្វីលីពីន ក្នុងប្រភេទទម្រន់លើស ៧៣ គីឡូក្រាម៕