ជីវិតកម្សាន្ដ

ស្ងាត់ៗ រិន សាវ៉េត ចាកចេញពីហង្សមាសបាត់!

បានផុស

៣ years មុន

នៅ

ថ្ងៃពុធ ២៤ កុម្ភៈ ២០២១

ដោយ

បន្ទាប់ពីតារាចម្រៀងប្រុសល្បីៗ២រូប ដែលធ្លាប់ច្រៀងប្រចាំផលិតកម្មហង្សមាស លោក ព្រាប សុវត្ថិ និង ដួង វីរៈសិទ្ធ បានសម្រេចរើពង្វេចចាកចេញពីទ្រនំចាស់របស់ខ្លួននោះ បានធ្វើឲ្យអ្នកគាំទ្រនិងទស្សនិកជនជាច្រើនសម្តែងការភ្ញាក់ផ្អើល ហើយចាប់អារម្មណ៍នឹងដំណឹងទាំងនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ក្រោយពេលនៃការចាកចេញរបស់លោក ព្រាប សុវត្ថិ និង ដួង វីរៈសិទ្ធ នៅតែមិនទាន់ស្ងប់ស្ងាត់ឬសាបរលាបផង ក៏ស្រាប់តែលេចឮព័ត៌មានថា មុនពេលតារាប្រុសពីររូបនេះចាកចេញ គឺមានតារាប្រុសម្នាក់ទៅហើយ ដែលបានដើរចេញពីហង្សមាសមុនអ្នកទាំងពីរ គឺលោក រិន សាវ៉េត។ ដំណឹងថ្មីៗនេះ កាន់តែបន្ថែមឲ្យមានការចាប់អារម្មណ៍ខ្លាំងថែមទៀតពីសំណាក់មជ្ឈដ្ឋានមហាជនដែលជាអ្នកគាំទ្រ។ ប្រភពបានឲ្យដឹងថា តារាចម្រៀងលោក រិន សាវ៉េត ដែលជាតារាចម្រៀងជ្រកនៅហង្សមាសជាង១០ឆ្នាំនោះ ពេលនេះលោកបានចាកចេញពីផលិតកម្មធំនេះមានរយៈពេលជិត១ឆ្នាំទៅហើយ។ ការចាកចេញនេះ លោក រិន សាវ៉េត ត្រូវបានប្រភពបង្ហើបថា ពុំមានបញ្ហាឬការអន់ចិត្តជាមួយហង្សមាសនោះទេ តែមកពីលោកផុតកុងត្រាជាមួយផលិតកម្ម ទើបលោកសម្រេចចិត្តថា មិនបន្ដជាមួយហង្សមាសតទៅទៀត។

ជុំវិញព័ត៌មានរបស់តារាចម្រៀងលោក រិន សាវ៉េត នេះដែរគេហទំព័រកម្ពុជាថ្មីនៅរសៀលថ្ងៃទី២៣ខែកុម្ភៈឆ្នាំ២០២១ មិនអាចធ្វើការទំនាក់ទំនងដើម្បីសុំការបកស្រាយនៅឡើយទេ។ដោយឡែកកាលពីថ្មីៗកន្លងទៅនៅលើផេកផ្លូវការរបស់ផលិតកម្មថ្មី ដែលមានឈ្មោះថា BN Production បានបញ្ជាក់ដោយទទួលស្វាគមន៍សមាជិក(តារាចម្រៀង)ថ្មីចំនួន៣រូបដោយក្នុងនោះក៏មានវត្តមានលោក រិន សាវ៉េត ផងដែរ។

បើគិតរហូតមកទល់ពេលនេះ ផលិតកម្មហង្សមាសបានរបូតតារាចម្រៀងប្រុសល្បីៗចេញពីទ្រនំរបស់ខ្លួនចំនួន៣រូបទៅហើយ គឺកំពូលតារាចម្រៀង ព្រាប សុវត្ថិ , តារាវ័យក្មេងសំឡេងផ្អែម ដួង វីរៈសិទ្ធ និងតារាចម្រៀងដែលនិយមច្រៀង Cover បទចម្រៀងពីដើមៗឡើងវិញលោក វិន សាវ៉េត៕

អត្ថបទ៖ ចាន់រ៉ា

សូមចុចអាន៖ តាស្រមូមសាហាវណាស់ អាចឲ្យ តន់ ចន្ទសីម៉ា ប្រែចិត្តពី ខេម