ជីវិតកម្សាន្ដ

Miss Grand មីយ៉ាន់ម៉ា លេចធ្លោ និងឈ្នះមកុដធំៗចំនួន ៥ ទោះអាយុទើប១៨ឆ្នាំក្ដី

បានផុស

២ years មុន

នៅ

ថ្ងៃពុធ ៣០ តុលា ២០២៤

ដោយ

បន្ទាប់ពីកម្មវិធី Miss Grand International 2024 បានបញ្ចប់អស់រយៈពេលជាយូរហើយក្ដី ប៉ុន្តែភាពចម្រូងចម្រាសពាក់ព័ន្ធនឹងការមិនពេញចិត្តពី ND នៃកម្មវិធីប្រកួតបវរកញ្ញាមីយ៉ាន់ម៉ា ដោយសារតែ Thae Su Nyein ទទួលតំណែងក្នុងលំដាប់រងលេខ២ នៅតែមិនទាន់ចប់ដាច់ស្រេចនូវឡើយទេ។

ជាពិសេសថែមទៀត តាមរយៈឃ្លិបដែលបានកើតឡើងនៅពេលដែល ND ដឹកដៃបវរកញ្ញា Thae Su Nyein ចេញពីឆាក ហើយដោះមកុដនិងឈាងរបស់នាងចេញ រួមជាមួយនឹងការប្រកាសមិនទទួលយកមុខតំណែង នេះបានធ្វើឲ្យមានការរិះគន់ចំពោះអាកប្បកិរិយាលើវេទិកាថាមិនសមរម្យ និងគ្មានភាពចាស់ទុំគ្រប់គ្រាន់។

ទោះបីជាបែបនេះក្ដី ដោយងាកមកកាន់បវរកញ្ញា Thae Su Nyein ថ្វីដ្បិតតែនាងមានអាយុត្រឹមតែ ១៨ឆ្នាំក៏ដោយ ប៉ុន្តែនាងមានកំណត់ត្រាលេចធ្លោដ៏គួរឲ្យចាប់អារម្មណ៍ជាច្រើនក្នុងវិស័យប្រកួតសម្រស់ គិតត្រឹមឆ្នាំ ២០២៤ នាងបានឈ្នះពានរង្វាន់ធំៗចំនួន ៥ រួមមាន៖

១ Miss Grand មីយ៉ាន់ម៉ា ឆ្នាំ ២០២៤

២ Miss NETA មីយ៉ាន់ម៉ា ឆ្នាំ ២០២៤

៣ Miss Angel Secret មីយ៉ាន់ម៉ា ឆ្នាំ ២០២៤

៤ Miss De Novo មីយ៉ាន់ម៉ា ឆ្នាំ ២០២៤

៥ បវរកញ្ញា IAURA មីយ៉ាន់ម៉ា ឆ្នាំ ២០២៤

ជាពិសេសថែមទៀត កាលពីពេលថ្មីៗនេះនាងក៏បានជាប់ជ័យលាភីលំដាប់រងលេខ២ក្នុងកម្មវិធីប្រកួតបវរកញ្ញាអន្តរជាតិផងដែរ។ យ៉ាងណាមិញ ក្រោយហេតុការណ៍នេះ ទំព័រ Miss Grand International បានចេញសេចក្តីថ្លែងការណ៍មួយថា ខ្លួនបានសម្រេចដកតំណែងលំដាប់រងក្នុងកម្មវិធី MGI ដោយសារអាកប្បកិរិយាមិនសមរម្យ និងបំពានច្បាប់ជាច្រើនផងដែរ៕