សមាគមសិល្បករខ្មែរ អំពាវនាវសប្បុរសជនចូលរួមបរិច្ចាគថវិកាជួយតារាកំប្លែងនាយ តាក់ស៊ី

ក្រោយទទួលដំណឹងនៃការធ្លាក់ខ្លួនឈឺធ្ងន់របស់តារាកំប្លែងនាយ តាក់ស៊ី សមាគមសិល្បករខ្មែរនៅយប់ថ្ងៃទី០១ខែធ្នូឆ្នាំ២០២៤ បានអំពាវនាវសប្បុរសជន ព្រមទាំងអ្នកសិល្ប: ចូលរួមបរិច្ចាគថវិកាជួយដល់តារាកំប្លែងរូបនេះ ដែលកំពុង សម្រាកព្យាបាលនៅមន្ទីពេទ្យ។

សមាគមបានប្រកាសថាក្រុមការងារសមាគមសិល្ប រខ្មែរ នឹងនាំយកនូវថវិកាមួយចំនួនរបស់សមាគម ដើម្បីជូនដល់ក្រុមគ្រួសារតារាកំប្លែងលោក ប៉ុល សារឿង ហៅនាយ តាក់ស៊ី ដែលកំពុងសម្រាកព្យាបាលជំងឺនៅមន្ទីរពេទ្យ។

ដោយសារសមាគមជាអង្គការមិនមែនរដ្ឋាភិបាលមិ នស្វែងរកប្រាក់ចំណេញ និងមានសិល្បករចាស់ជរាជាច្រើនទៀតត្រូវយកចិត្តទុកដាក់គាំពារផងនោះ ដូច្នេះសមាគមពុំមានលទ្ធភាពច្រើនក្នុងការជួយដល់តារាកំប្លែងនាយ តាក់ស៊ី នោះទេ។

ហេតុនេះសមាគមសិល្បករខ្មែរសូមអំពាវនាវដល់ស ប្បុរសជនជាពិសេសមហាជនដែល តែងតែមានការគាំទ្រចំពោះតារាកំប្លែងរូបនេះអាចចូលរួមបរិច្ចាគថវិ កាតាមលទ្ធភាពដើម្បីរំលែកការលំបាកលើការចំណា យដ៏ច្រើនរបស់ក្រុមគ្រួសារក្នុងការព្យាបាលថែទាំជំងឺរបស់នាយ តាក់ស៊ី តាមរយៈសមាគមសិល្បករខ្មែរ ដែលមានគណនីធនាគារដូចខាងក្រោមនេះ។

ស្ថិតក្នុងអាយុ៤៥ឆ្នាំនាយ តាក់សុី កំពុងស្ថិតនៅក្នុងស្ថានភាពលាងឈាមសង្រ្គោះបន្ទាន់នៅក្នុងមន្ទីរពេទ្យព្រះកេតុមាលាដោយសារជំងឺទឹកនោមផ្អែមធ្វេីឱ្យខូចក្រលៀន និងជំងឺទឹកដក់ក្នុងសួតផងដែរ។ លោកវេជ្ជបណ្ឌិតបញ្ជាក់ថា នាយ តាក់សុី មានជំរេីសចុង ក្រោយពីរ គឺទីមួយត្រូវលាងឈាមពេញមួយជីវិតមួយអាទិត្យចំនួនបីដងនិងជំរេីសទី២ គឺត្រូវតែធ្វេីការវះកាត់ប្ដូរក្រលៀនថ្មី។

តារាកំប្លែង នាយ តាក់ស៊ី កាលពីយប់ថ្ងៃទី២៩ ខែវិច្ឆិកា បានរៀបរាប់តាមរយ:វីដេអូដោយលើកដៃសំពះដង្ហើយសុំជំនួយសប្បុរសជនថាសូមបងប្អូនជួយខ្ញុំអោ យបានដូក្រលៀនផងខ្ញុំចង់រស់ណាស់។នាយប ញ្ជាក់ថាសម្រាប់ការដូក្រលៀនម្ខាងគឺត្រូវចំណាយលុយចំនួន៥ម៉ឺនដុល្លារ៕ អត្ថបទ៖ ចាន់រ៉ា