ប៉ូលីសសន្និដ្ឋានមូលហេតុដែលអាចបណ្ដាលឲ្យ Kim Sae Ron ស្លាប់ មិនមែនជាករណីសម្លាប់ខ្លួន

កាលពីថ្ងៃទី១៦ ខែកុម្ភៈ នេះ តារាសម្ដែងស្រី Kim Sae Ron ត្រូវបានគេរាយការណ៍មកថា បានស្លាប់បាត់បង់ជីវិតនៅក្នុងផ្ទះម្នាក់ឯង។ ខណៈប៉ូលីស បានធ្វើការសន្និដ្ឋានជុំវិញការស្លាប់ដ៏ចម្លែករបស់តារាស្រីនេះ ថាជាករណីគាំងបេះដូងស្លាប់ ដោយសារតែបញ្ហាសុខភាព។

នៅក្នុងនោះ ប៉ូលីសបានបញ្ចេញហេតុផល៣ចំណុច ដែលពាក់ព័ន្ធនឹងការស្លាប់របស់ Kim Sae Ron នៅក្នុងវ័យត្រឹមតែ២៤ឆ្នាំ។

– មិនមែនជាករណីឃាតកម្ម ព្រោះរកមិនឃើញភស្ដុតាងណាមួយមិនប្រក្រតីជុំវិញផ្ទះ Sae Ron ឡើង។

– រឹតតែមិនមែនមកពីធ្វើអត្តឃាតទៅទៀត ព្រោះ Sae Ron ត្រៀមខ្លួនរួចរាល់ដើម្បីត្រឡប់ចូលសិល្បៈវិញ ហើយនាងតែងតែរកឪកាសដើម្បីបង្ហាញខ្លួន។

– មូលហេតុដែលប៉ូលីសសន្និដ្ឋាននោះគឺ គាំងបេះដូង ស្លាប់ម្នាក់ឯង។ បញ្ហា ផាសុខភាពរបស់ Sae Ron មិនល្អ ការរស់នៅរបស់នាង តែងតែផឹកស្រា និងជក់បារី បរិភោគអាហារមិនល្អ ដែលអាចបណ្ដាលឲ្យបេះដូងនាងគាំង។

គួរបញ្ជាក់ដែរថា នៅពេលដែលគេរកឃើញ Kim Sae Ron ដេកដួលនៅផ្ទះ ក្នុងសភាពអត់ដកដង្ហើម ទោះបីជាគេខំយកទៅមន្ទីពេទ្យជួយសង្គ្រោះក៏មិនអាចទាន់ពេលវេលាដែរ ពេទ្យបានប្រាប់ថា បេះដូងឈប់ដើរច្រើនម៉ោងពេក ដូចនេះ វាយឺតពេលក្នុងការជួយសង្គ្រោះនាងបាត់ទៅហើយ ។