ជីវិតកម្សាន្ដ

តន់ ចន្ទសីម៉ា វាយលុកយកលេខ១ជាប់គ្នា៧សប្ដាហ៍

បានផុស

៥ years មុន

នៅ

ថ្ងៃអាទិត្យ ២១ មីនា ២០២១

ដោយ

បទចម្រៀងដែលមានចំណងជើងថា « ជិវិតខ្ញុំគ្មានឆ្នាំងសាកទេ » និងបទ«កូនក្មេងនឹកមនុស្សចាស់» របស់កញ្ញា តន់ ចន្ទសីម៉ា គ្រាប់ពេជ្ររបស់ផលិតកម្ម Galaxy Navatra បានកំពុងតែនាំមុខគេក្នុងកម្មវិធីតន្ត្រីតាមទូរស័ព្ទ Pleng by Smart ដោយនៅក្នុងខែនេះ ចំណាត់ថ្នាក់លេខ១ និងលេខ ២ គឺបានទៅលើបទរបស់តារាស្រីវ័យក្មេងរូបនេះ ហើយជាងនេះទៅទៀតនោះគឺបទរបស់ សីម៉ា ស្ថិតនៅចំណាត់ថ្នាក់លេខ១ជាប់គ្នា៧សប្ដាហ៍តែម្ដង នេះបើផ្អែកតាមរបាយការណ៍របស់ Pleng ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Pleng by Smart ជាកម្មវិធីតន្ត្រីតាមទូរស័ព្ទរបស់ក្រុមហ៊ុន Smart យ៉ាងសំបូរបែបសម្រាប់អ្នកចូលចិត្តតន្ត្រីនានា តាមរយៈបណ្ដាញទូរស័ព្ទចល័តដ៏ទំនើបរបស់ខ្លួនដោយនៅក្នុងនោះមានបទចម្រៀងខ្មែរ និង អន្តរជាតិជាង១លានបទ។

បទចម្រៀងរបស់ផលិតកម្ម Galaxy Navatra ត្រូវបានគេដឹងថា មានវត្តមានក្នុងកម្មវិធីដ៏ទំនើបមួយនេះផងដែរហើយតែងតែជាប់នៅចំណាត់ថ្នាក់ កំពូលជាញឹកញយជាក់ស្ដែងដូចជាបទ “កូនក្មេងនឹកមនុស្សចាស់” របស់កញ្ញា តន់ ចន្ទសីម៉ា នេះជាដើម។

កញ្ញា តន់ ចន្ទសីម៉ា ជាតារាចម្រៀងស្រីម្នាក់ដែលធ្លាប់មានប្រវត្តិជាអតីតជាសិស្សជ័យលាភីស្មូតកំណាព្យលេខ១ ប្រចាំខេត្តតាកែវ។ នាងប្រើពេលតែជាង១ឆ្នាំប៉ុណ្ណោះ ជាមួយផលិតកម្ម Galaxy Navatra អាចឈានជើងជាកំពូលតារាចម្រៀងជួរមុខក្នុងប្រទេសកម្ពុជា បានធ្វើឲ្យនាងផ្លាស់ប្ដូរ១៨០ដឺក្រេយ៉ាងលឿនបំផុត។ តារាចម្រៀងរូបនេះមិនធ្លាប់គិតឡើយថា អាចក្លាយខ្លួនជាតារាចម្រៀងល្បី ហើយអាចច្រៀងជាមួយកំពូលតារាចម្រៀង ព្រាប សុវត្ថិ ដូចសព្វថ្ងៃនេះឡើយ។

បច្ចុប្បន្នផលិតកម្ម Galaxy Navatra កំពុងតែសម្រុកផលិតបទចម្រៀង ឲ្យនាងក៏ដូចជាតារាចម្រៀងជាច្រើនទៀតដើម្បីឲ្យប្រជាប្រិយរបស់នាងកាន់តែទទួលបានការគាំទ្របន្ថែមទៀត។

ប្រិយមិត្ត តោះ!ស្ដាប់បទ « ជិវិតខ្ញុំគ្មានឆ្នាំងសាកទេ » និង «កូនក្មេងនឹងមនុស្សចាស់» របស់ តន់ ចន្ទសីម៉ា ជាថ្មីម្ដងទៀតទាំងអស់គ្នា ថាតើវាមានចំណុចពិសេសបែបណា បានជាអាចជាប់លេខ១ស្ទួនៗ ៧សប្ដាហ៍ជាប់គ្នាបែបនេះ៕