An Na Rose ដួលបាត់ជំហរលើឆាកបង្ហាញម៉ូដ តែទទួលបានសន្ទុះគាំទ្រខ្លាំងជាងមុន

គិតចាប់ពី An Na Rose ជាប់វគ្គជម្រុះតាមរយៈរូបថត online លើកដំបូងក្នុងកម្មវិធីប្រកួតសម្រស់ Miss Supranational Cambodia 2025 មកដល់ពេលនេះ គឺមានរយៈពេលជាង ៣ខែមកហើយ ខណៈដំណើរការនៃការប្រកួតរបស់បេក្ខភាពបវរកញ្ញានីមួយៗ កំពុងស្វិតស្វាញបំផុតលើឆាកបង្ហាញម៉ូដ។

ឆ្លងកាត់ការហាត់ពុតលត់ដំជាច្រើនក្នុងនាមបេក្ខភាពបវរកញ្ញា An Na Rose បានធ្វើឱ្យសាធារណជនស្ញប់ស្ញែងចំពោះការខិតខំប្រឹងប្រែងរបស់នាង តាំងពីរកការរិះគន់ចំអកមិនចេះចប់ រហូតទទួលបានការផ្តល់កម្លាំងចិត្តពីមហាជនដែលជាអ្នកគាំទ្រវិស័យបវរកញ្ញា។

បើក្រឡេកមើលជំហានចាប់ផ្តើមដំបូងរបស់នាងលើឆាកវិស័យបវរកញ្ញានេះ ហាក់ធ្វើមិនបានល្អឡើយ ប៉ុន្តែក្រោយការខំប្រឹង នាងបានអភិវឌ្ឍនខ្លួនជាលំដាប់ រហូតទទួលបានការគាំទ្រ និងស្វាគមន៍ពីសាធារណជន។ ជាក់ស្តែង ក្នុងវគ្គ Supra Rock The Runway អ្នកចូលរួមកម្មវិធីផ្ទាល់បានផ្តល់កម្លាំងចិត្តដល់ An Na Rose ជាមួយនឹងសំឡេងស្រែកហ៊ោ និងហៅឈ្មោះនាងឮៗ បើទោះជានាងបានភ្លាត់ស្នៀតបាត់ជំហរដួលទាំងជំហរលើឆាកបង្ហាញម៉ូដក៏ដោយក្តី។

ទន្ទឹមនឹងនឹងសម្រែកនៃការផ្តល់កម្លាំងចិត្តនេះ An Na Rose បានបង្ហាញក្តីរំភើបចិត្ត ដោយរៀបរាប់ថា “សំឡេងហ៊ោរបស់ហ្វេន ធ្វើឱ្យខ្ញុំមានកម្លាំងចិត្តបន្តដំណើរទៅមុខទៀត ហ្វេនហ្វេនជាកម្លាំងចិត្ត”។

គួររំលឹកថា ជុំវិញវត្តមាននៃការចូលរូមប្រកួត An Na Rose ក៏មានមតិច្រើនហាក់ចំអន់លើកញ្ញា ប៉ុន្តែសាមុីខ្លួនរក្សាជំហរ និងបង្ហាញភាពរឹងមាំទៅកាន់អ្នកដែលមាក់ងាយខ្លួនវិញថា “បើខ្ញុំយកសម្តីអ្នកដទៃ bully នាងខ្ញុំ យកមកដាក់ក្នុងចិត្ត ជីវិតខ្ញុំនឹងមិនអាចលូតលាស់ទៅមុខបានទេ រស់នៅរាល់ថ្ងៃខ្ញុំអត់ខ្វល់សម្តីអ្នកដទៃ bully ទេ rose រឹងមាំមកស្រាប់ហើយ ស៊ូស៊ូ ជួយផ្តល់កំលាំងចិត្តឱ្យ rose ផងហ្វេនហ្វេន” ។

គួរជម្រាបថា Miss & Mister Supranational ជាកម្មវិធីប្រកួតសម្រស់អន្តរជាតិប្រចាំឆ្នាំ ដែលរៀបចំដោយសមាគមសម្រស់ពិភពលោក S.A. និង Nowa Scena ។ ចំពោះ Miss Supranational បង្កើតឡើងក្នុងឆ្នាំ២០០៩ ហើយការប្រកួតភាគច្រើន ត្រូវបានធ្វើឡើងនៅប្រទេសប៉ូឡូញ។ ដោយឡែក Mister Supranational ទើបតែចាប់ផ្តើមនៅឆ្នាំ២០១៦ ប៉ុណ្ណោះ។

សម្រាប់ការប្រកួតសម្រស់ Miss Supranational Cambodia 2025 ក៏បានដាក់ពាក្យចូលរួមប្រកួតផងដែរ។ ប៉ុន្តែជុំវិញវត្តមាននៃការចូលរូមប្រកួត An Na Rose ក៏មានមតិច្រើនហាក់ចំអន់លើកញ្ញា ប៉ុន្តែសាមុីខ្លួនរក្សាជំហរ និងបង្ហាញភាពរឹងមាំទៅកាន់អ្នកដែលមាក់ងាយខ្លួនវិញថា “បើខ្ញុំយកសម្តីអ្នកដទៃ bully នាងខ្ញុំ យកមកដាក់ក្នុងចិត្ត ជីវិតខ្ញុំនឹងមិនអាចលូតលាស់ទៅមុខបានទេ រស់នៅរាល់ថ្ងៃខ្ញុំអត់ខ្វល់សម្តីអ្នកដទៃ bully ទេ rose រឹងមាំមកស្រាប់ហើយ ស៊ូស៊ូ ជួយផ្តល់កំលាំងចិត្តឱ្យ rose ផងហ្វេនហ្វេន” ៕