ជីវិតកម្សាន្ដ
បន្ទាប់ជាសះស្បើយ ! សុគន្ធ នីសា រៀបរាប់ប្រាប់អំពីស្ថានភាពនៃអាការៈជំងឺកូវីដ-១៩ (វីដេអូ)
ភ្នំពេញ ៖ បន្ទាប់ពីជាសះស្បើយនិងបានវិលត្រឡប់មកដល់ផ្ទះដោយបន្តធ្វើចត្តាឡីស័ករយៈពេល១៤ ថ្ងៃនោះ តារាចម្រៀងហង្សមាសអ្នកនាង សុគន្ធ នីសា បានធ្វើការLive វីដេអូរៀបរាប់អំពីអាការៈជំងឺតាំងពីដំបូងរហូតចូលសម្រាកព្យាបាលជាងកន្លះខែមកនោះ។
អ្នកនាងសុគន្ធ នីសាក្រោយទទួលបានការព្យាបាលជាសះស្បើយជំងឺកូវីដ-១៩ នាងត្រូវបានអនុញ្ញាតវិលត្រឡប់មកផ្ទះវិញ ប៉ុន្តែបន្តធ្វើចត្តាឡីស័កតាមដានសុខភាពផងដែរ។ ទន្ទឹមគ្នានេះ សុគន្ធ នីសា បានធ្វើការLive វីដេអូរៀបរាប់ថា ជម្រាបសួរបងប្អូនទាំងអស់គ្នាយើងជជែកគ្នា អំពី ស្ថានភាពជំងឺកូវីដ -19 ទាំងអស់គ្នា ក្រែងអាចទុកជាបទពិសោធន៍ដើម្បីការពារខ្លួនៗខ្លះណា។
អ្នកនាង សុគន្ធ នីសា បានលើកឡើងថា ថ្ងៃដំបូងបន្ទាប់ពីបានដឹងថា មិត្តភក្តិរួមទ្រនំឆ្លងកូវីដ-១៩គឺពេលនោះហើយដែលនាងបានធ្វើចិត្តហើយត្រៀមខ្លួនរួចជាស្រេចថាភាគរយនៃការឆ្លងឆ្លងជំងឺកូវីដ-១៩ អាចកើតមានមកលើនាង។ ដូច្នេះហើយទើបត្រៀមរួចរាល់នូវសម្ភារៈប្រើប្រាស់មួយចំនួនដើម្បីរង់ចាំលទ្ធផលធ្វើតេស្តនិងទៅព្យាបាលជំងឺកូវីដ-១៩។
តារាស្រីរូបនេះបន្តថា ក្រោយពេលធ្វើតេស្តលទ្ធផលគឺនាងវិជ្ជមានកូវីដ-១៩។ ចំពោះអាការៈជំងឺនាងដំបូងគឺក្តៅខ្លួនដែលឡើងកំដៅរហូត៣៨អង្សា បែកញើស ចុងដៃ ចុងជើង និងទ្រូងជាដើម ពេលនោះ ដែលនាងបានដកខ្លួននៅឆ្ងាយពីក្រុមគ្រួសារ។ នាងបន្តថា ពេលដែលទទួលលទ្ធផលវិជ្ជមានកូវីដ គឺនាងបានចូលទៅសម្រាកព្យាបាលដោយធ្វើតាមការណែនាំរបស់ក្រុមគ្រូពេទ្យនិងត្រូវតែស្អាតជានិច្ចទាំងរាងកាយនិងបន្ទប់ស្នាក់នៅព្យាបាល។
អ្នកនាង សុគន្ធ នីសា បានផ្តាំផ្ញើថា សម្រាប់បងប្អូនដែលកំពុងព្យាបាលជំងឺកូវីដ-១៩និងទទួលលទ្ធ ផលកើតជំងឺកូវីដ-១៩គោលដៅសំខាន់ គឺត្រូវតែរឹងមាំកុំបាក់ទឹកចិត្ត ដើម្បីយកឈ្នះជំងឺមួយនេះព្រោះថា ជំងឺនេះពេលដែលកើតហើយ វាចូលទៅបំផ្លាញរាងកាយនិងសួតរបស់យើង ឲ្យទ្រុឌទ្រោមខ្លាំង។ ដូច្នេះត្រូវតែរឹងមាំ ដើម្បីប្រយុទ្ធជាមួយជំងឺនេះ ព្រមនឹងការព្យាបាលយ៉ាងយកចិត្តទុកដាក់របស់គ្រូពេទ្យជំនាញ ដែលបាននឹងកំពុងជួយសង្គ្រោះយើងផងនោះ៕
សូមស្តាប់ការរៀបរាប់លម្អិតរបស់ សុគន្ធ នីសា ដូចខាងក្រោម
ដោយ ៖ ចាន់រ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង